May lagnat bawal sa Sandiganbayan

Upang masigurong hindi makakapasok ang SARS sa Sandiganbayan, nagpalabas kahapon ng isang memorandum ang korte na nagbabawal sa pagpasok ng mga taong may lagnat.

Ayon kay Executive Clerk of Court IV Atty. Emma Rosario Lorbes, ipagbabawal na ang pagpasok sa loob ng building ng Sandiganbayan ng mga taong ang temperature ay 38 degrees centigrade.

Sa ngayon ay mahigpit na ang ginagawang check-ups sa lobby at back entrances ng Sandiganbayan Centennial building at gumagamit ang mga medical at security forces ng audio thermometers na inilalagay sa tainga sa pagkuha ng temperatura.

Umorder na rin ang Sandiganbayan ng 320 piraso ng N95 mask para sa kanilang mga empleyado. Umaabot na sa P3 milyon ang inilaan ng korte para sa kanilang anti-SARS campaign. (Ulat ni MEscudero)