Plunder case kay Camacho ok lang – Palasyo

Hindi pumalag ang Malacañang sa rekomendasyon ng Senado na sampahan ng kasong pandarambong si Finance Sec. Jose Camacho kaugnay ng umano’y maanomalyang bentahan ng multi-billion na peace bond.

Sinabi ni Presidential Spokesman Ignacio Bunye na magandang pagkakataon ito para malinis ni Camacho ang kanyang pangalan sa nasabing alegasyon.

Ito ay matapos na mapatunayan ng Senate Finance Committee na pinamumunuan ni Senador John Osmeña na nagkaroon umano ng sabwatan at anomalya at inirekomenda nito na kasuhan ang Finance Secretary at National treasurer dahil sa napaboran ang CODE-NGO na grupo ng kapatid ni Camacho.

Gayunman, walang plano si Pangulong Gloria Macapagal-Arroyo na sibakin sa puwesto si Camacho sa gitna ng nasabing anomalya. (Ulat ni Ely Saludar)