Iodized salt sobrang mahal

Humigit kumulang sa 87 porsiyentong Pilipino ang may kamalayan sa kahalagahan ng iodized salt, subalit 24 porsiyento lamang ang gumagamit nito dahil sa umano’y sobrang mahal.

Kaya nanawagan si Senador Loren Legarda sa Department of Health (DOH) at Department of Trade and Industry (DTI) na gumawa ng paraan upang mapababa ang presyo nito.

Kahit na may batas na inaprubahan noong 1995 na kailangang tanging iodized salt lang ang gawing produkto ng mga manufacturers at itinda sa palengke ay nagpapatuloy pa rin ang paggawa ng non-iodized rock salt dahil sa mura ito.

Ang paggamit ng iodized salt ay programa ng gobyerno para labanan ang iodine defiency at maiwasan ang sakit na goiter. (Ulat ni Rudy Andal)