Utang ng 'Pinas sa US ililista sa tubig kung...

Kailangang samantalahin ng Pilipinas ang pagkakataon na ma-write off ang hanggang $480 milyon na utang ng bansa sa Estados Unidos kung ito’y mag-a-avail ng programa sa ilalim ng US Tropical Forest Conservation Act (TFCA).

Ito ang posisyon na ini-ere kahapon ni Senate Majority Leader Loren Legarda matapos makatanggap ng liham mula kay US Ambassador Francis Ricciardone tungkol sa pagkalinga na magagawa sa tropical forest ng Pilipinas sa ilalim ng TFCA.

Sa ilalim ng TFCA, ang ipambabayad dapat ng Pilipinas sa US ay gagawin na lang pondo ng mga programang may kinalaman sa pagpapalawak at pagpapalago ng tropical forest sa bansa. Ira-write off ng US ang utang base sa komputasyong pagkakasunduan pa ng US Treasury Department at ng Philippine Department of Finance. (Ulat ni Rudy Andal)