Political party para sa OFW panukala

Upang magkaroon ng representasyon at mabigyan ng proteksiyon ang interes ng milyong overseas Filipino workers (OFWs), dapat na magkaroon ng isang full-pledge, nationwide political party para dito.

Reaksiyon ito ni Bulacan Rep. Willie Villarama makaraang makipag-meeting ito sa mga pinuno ng International Coalition of Overseas Filpinos for Voting Rights. Ito ay kabilang sa umbrella organization ng iba’t ibang OFW groups sa buong mundo.

Ang naturang organisasyon ng isang political party para sa mga OFWs ay magsisiguro na ang plataporma at interes ng mga ito ang siyang matugunan.

Matutulungan din ng naturang partido ang mga OFWs na malabanan ang pang-aabuso ng kanilang employer. (Ulat ni Malou Escudero)