Milyong Pinoy magugutom

Milyong Pilipino umano ang malamang na magutom sakaling ihinto ng pamahalaang Arroyo ang pag-aangkat ng bigas sa labas ng bansa tulad ng Thailand at India.

Sa panayam, sinabi ni director Lito Sarmiento ng Department of Agriculture (DA), binibigyang konsiderasyon ng tanggapan na mag-import ng bigas upang makapag-ipon ng maraming imbak na bigas ang bansa sa oras ng higit na pangangailangan sa butil.

Ayon kay Sarmiento, papasok ang epekto sa bansa ng panahon ng tag-tuyot o El Niño phenomenon at hindi matitiyak ang pagdating ng mga peste at kalamidad na posibleng tumama sa mga pataniman at sakahan kaya upang mapaghandaan ang lahat ng ito ay kailangan ang rice importation. (Ulat ni Angie dela Cruz)