Nabatid na nakipagpulong kay Press Secretary Ignacio Bunye si Atty. Thomas Brown Jr., vice president ng Kimberly Clark at nilinaw ng huli na hindi sila lumayas sa Pilipinas.
Ito ay taliwas sa inihayag ng Pangulo sa kanyang SONA na dinala ng Kimberly Clark ang Asia operations nito sa Thailand imbes na sa Pilipinas.
Iginiit ni Brown kay Bunye na wala silang intensiyon na alisin ang negosyo sa bansa.
Dahil dito, naglabas na rin ng bagong patakaran ang Malacañang upang makaiwas sa kuryenteng balita ang Pangulo.
Sinabi ni Bunye na mananagot ang mga head office na nagbibigay ng impormasyon sa Pangulo sakaling ito ay pumalpak. (Ulat ni Ely Saludar)