GMA pinagalitan sina Sto.Tomas at Soriano

Binasag na ni Pangulong Arroyo ang kanyang katahimikan kaugnay ng bangayan sa pagitan ng mga labor officials at animo’y mga batang pinagalitan sina Labor Secretary Patricia Sto. Tomas at OWWA Administrator Wilhelm Soriano sa kanilang awayan hinggil sa mga nawawalang pondo para sa mga overseas Filipino workers.

Sinamantala ng Pangulo ang pagsermon kina Sto. Tomas at Soriano matapos na pangunahan nito ang pagdiriwang ng Migrant Workers Day sa Malacañang. Pinatatahimik ng Pangulo sina Soriano at Sto. Tomas at dapat aniyang umiwas sa mga personal na alitan dahil ang naapektuhan dito ay ang kanilang pagseserbisyo sa mga OFWs. Mas makabubuti umanong hintayin na lamang ang resulta ng imbestigasyon upang matukoy kung sino ang responsable sa pagkawala ng P1.2 bilyon. (Ulat ni Ely Saludar)