Bunsong anak ni GMA mag-aasawa na rin

Nagpaplano na ring magpakasal sa susunod na taon ang bunsong anak ni Pangulong Arroyo na si Diosdado "Dato" Macapagal Arroyo III. Ayaw muna sana nilang ihayag sa publiko ang pagpapakasal ng kanyang bunso dahil hindi pa naman sila namamanhikan. Si Dato ay magpapakasal kay Cacai Manotok na aniya’y isang honor student at anak ng isa sa mga top executives ng Ayala Group of Companies.

Pinayuhan naman ng Pangulo ang kanyang panganay na anak na si Mikey na iwasang maging magarbo ang kanyang kasal sa darating na June 24. Gusto ng Presidente na gawing simple lamang ang kasal kaya pinakaltasan nito ang listahan ng mga imbitadong bisita. Ang reception ay gagawin sa Pampanga sa umaga at sa Malacañang naman sa gabi. (Ulat ni Ely Saludar)