Engineering Brigade inatasan ni GMA

Inatasan kahapon ni Pangulong Arroyo ang Engineering Brigade ng Philippine Army na magpatuloy sa paglahok sa programa ng pagtatayo ng mga paaralan at iba pang proyektong infrastructure sa Mindanao para sa mabilis na rehabilitasyon ng rehiyon na sinalanta ng mga nakaraang labanan.

Sa kanyang talumpati sa pagdiriwang ng anibersaryo ng pagkakatatag ng Phil. Army sa Fort Bonifaco, sinabi ng Pangulo na ang Engineering Brigade ay nakapagpatayo na ng mahigit 100 paaralan sa Lanao del Sur at Cotabato subalit mayroon pang 1,600 barangay ang wala pang mga paaralan sa Mindanao at ito ang ipinanawagan ng Presidente na dapat na pag-ukulan ng pagsisikap ng naturang brigade. (Ulat ni Lilia Tolentino)