Balasahan sa PNP sisimulan sa Hulyo 15

Tahasang sinabi ni Philippine National Police chief Director Gen. Leandro Mendoza na magsasagawa ng balasahan ang pamunuan ng PNP bago ang Hulyo 15 upang mas lalo pang mapabuti ang pagbibigay ng serbisyo at seguridad sa publiko.

Ayon kay Mendoza, isasagawa ang revamp bago ang barangay election upang wala nang anumang nakabimbing trabaho ang PNP habang ginaganap ang barangay election.

Agad namang nilinaw ni Mendoza na may kinalaman ang revamp sa gaganaping barangal election.

Aniya, non-partisan ang PNP kung kaya’t walang koneksyon ang balasahan.

Kailangan lamang mailagay ang tamang tao sa tamang posisyon upang mas lalo pang mapabuti ng kapulisan sa pagbibigay ng serbisyo.

Sinisiguro lamang ng kapulisan na magiging sistematiko ang pagiging miyembro ng PNP. (Ulat ni Doris Franche)