Rent Control Law nilagdaan na ng Pangulo

Nilagdaan na ni Pangulong Arroyo ang extension ng Rent Control Law bilang Republic Act 9161 na magkakabisa sa Enero 1, 2002.

Inaprubahan ng Pangulo ang batas na kikilalanin bilang Rental Reforms Act of 2002. Sa ilalim ng Section 3 ng RA 9161, simula sa Enero 1, 2002 hanggang Dis. 31, 2004, ipagbabawal ang pagtataas sa upa sa lahat ng residential units sa national capital region (NCR) at iba pang highly urbanized cities, na ang monthly rentals ay hindi tataas sa P7,500 at P4,000 naman kung sila ay nasa kanayunan.

Multang hindi baba sa P5,000 pero hindi hihigit sa P15,000 o pagkabilanggo nang isang buwan hanggang anim na buwan ang parusa sa sinumang lalabag. (Ulat ni Ely Saludar)