AFP at PNP naghiraman ng mga tauhan at armas

Nagkaisa kahapon ang 68,000 puwersa ng Philippine Army at 113,000 mga tauhan ng PNP sa 6-point strategy para labanan ang terorismo at mga organisadong kriminal sa bansa.

Sa ginanap na press briefing sa Army headquarters sa Fort Bonifaco, Makati City, lumagda sa kasunduan ang mga mag-mistah sa Phil. Military Academy Class ‘69 na sina Army Chief Lt. Gen. Jaime delos Santos at PNP chief Director Gen. Leandro Mendoza para sa paghihiraman ng mga armas, kagamitang pangdepensa at intelligence.

Humiram ang Army ng may 1,500 piraso ng armalite rifles sa PNP bunga ng pagdami ng bilang ng mga napapaslang na pulis na walang armas pangdepensa para ipanlaban sa karahasan ng mga rebeldeng komunista, habang nanghingi naman ang Army ng 20,000 PNP personnel. (Ulat ni Joy Cantos)