Nabatid kay Southern Command Deputy Chief for Operation Marine Col. Francisco Gudani, kumpirmadong tatlo hanggang apat na buwang nagdadalang-tao si Malonzo.
"This confirm our reports that she’s married to Janjalani and now she is about 3 or 4 months pregnant," sabi ni Gudani.
Ayon sa military, ayaw makipagtulungan ni Malonzo sa military dahil sa relasyon nito ngayon kay Janjalani kaya nahihirapan silang makakuha ng mahahalagang impormasyon.
Dapat umanong isipin ni Malonzo na siya ay inabuso ng labag sa kanyang kagustuhan at hindi rin siya dapat pakasiguro sa kanyang marital relationaship dahil maraming asawa si Janjalani.
"Dapat niyang isipin na si Janjalani ay isang panganib, banta sa lipunan at isantabi ang kanyang damdamin," sabi pa ni Gudani.
Sinabi pa ni Gudani na hindi rin umano kapani-paniwala na naging maayos ang trato sa kanya ng mga bandido gayong pinuwersa siya.
"How come other captives were beheaded and tortured. Others are being threatened to be tortured if they will will not embrace the Muslim religion. I think there is conflicting statements of the hostages, the ladies are saying they are treated well, the men are saying they were tortured if they will not embrace (to Islam)," sabi ni Gudani.
Magugunita na si Malonzo ay narekober ng government authorities habang naglakakad sa isang shopping mall sa Zamboanga City noong nakaraaang Nobyembre 1 kasama ang dalawang hinihinalang Sayyaf escort.(Ulat ni Joy Cantos)