Bagong umento pagtiyagaan muna - GMA

SHANGHAI, China (via PLDT ) - Umapela kahapon si Pangulong Arroyo sa mga manggagawa na pagtiyagaan muna ang pinagtibay na dagdag na umento dahil may nararanasan pang krisis sa kasalukuyan at mahina ang ekonomiya ng bansa.

Ang panawagan ay ginawa ng Pangulo matapos aprubahan ng National Capital Region Tripartite Wages and Productivity Board (NCRTWPB) ang P30 dagdag sa arawang sahod ng mga manggagawa.

Aminado ang Pangulo na maliit lamang ang nasabing umento subalit mas makabubuting ito ay pagtiyagaan muna dahil pauna pa lang naman ito at may mga susunod pang pagtaas sa sahod.

Ang P30 inaprubahang umento ay mas maliit sa hinihingi ng sektor ng manggagawa sa bansa sa gitna ng mahirap na pamumuhay at mataas na bilihin. (Ulat ni Ely Saludar)