Ador may sakit

Hindi nakadalo sa ginaganap na pagtestigo sa Senado si Angelo "Ador" Mawanay matapos itong isugod sa ospital dahil sa sakit na acute gastroenteritis.

Isinugod sa Camp Aguinaldo Station Hospital si Ador matapos itong mamilipit sa matinding pananakit ng tiyan at pagtatae.

Gayunman, bunga ng seguridad hindi nagpa-confine si Ador sa nasabing pagamutan at sa halip ay sa ISAFP compound na lamang ito nilagyan ng dextrose ng mga tumitinging manggagamot.

Kahapon, bagaman kailangang mamahinga pa ay nagpakita sa Senado si Ador lulan ng ambulansiya upang patunayan ng kanyang legal counsel na si Atty. Archee Guevarra sa mga senador na hindi nagsasakit-sakitan ang kanyang kliyente. (Ulat ni Joy Cantos)