Ulo ng hostages natagpuan

Natagpuan na ang nagsisimula nang maagnas na mga ulo ng dalawang pinugutang bihag mula sa Golden Harvest plantation.

Ang ulo ni Primitivo Falcasantos ay nakita sa isang masukal na lugar sa Barangay Menzi, ilang metro lamang ang layo kung saan narekober ang kanilang mga katawan ng kasamahan niyang si Crisanto Suela na ang ulo ay nakita kahapon.

Sina Falcasantos at Suela ay kabilang sa 15 kataong hinostage ng Sayyaf matapos salakayin ang naturang plantasyon ng niyog sa bayan ng Lantawan noong Hunyo 11.

Sa kasalukuyan ay no man’s land na ang plantasyon ng Golden Harvest kung saan tuluyang nang nilisan ng mga residente dito sa pangambang bumalik ang mga bandido. (Ulat ni Rose Tamayo)