FBI-trained negotiator, ipinadala ng PNP sa Basilan

Nagpadala na rin kahapon ng emisaryo na nagpakadalubhasa pa sa Federal Bureau of Investigation (FBI) sa bansang Amerika ang Philippine National Police (PNP) sa Basilan para makipagnegosasyon sa mga bandidong Abu Sayyaf para sa pagpapalaya sa nalalabing mga bihag nito.

Kinumpirma ni PNP chief director Gen. Leandro Mendoza ang pagpapadala sa FBI-trained negotiator na hindi kinilala at tinukoy lamang sa ranggo nitong colonel at isang dalubhasa sa "hostage management crisis."

Ayon kay Mendoza, ang hakbang ay may pakikipagkoordinasyon sa AFP.

Tiwala naman si Mendoza na magiging matagumpay ang misyon ng bagong negosyador na ito.

Una rito, itinalaga ng Malakanyang si William Castillo bilang tagapamagitan sa mga bandido para makipagnegosasyon sa kalayaan ng mga hostages ng walang ransom. (Ulat ni Joy Cantos)