Alok ng MILF vs Sayyaf tinanggihan

Salamat na lang!

Ito ang tugon ng Malakanyang sa alok ng Moro Islamic Liberation Front (MILF) na tumulong sa militar-police rescue operations para pawalan ang 20 bihag laban sa bandidong Abu Sayyaf.

Ayon kay Presidential spokesman Rigoberto Tiglao, hindi puwedeng tanggapin ng Palasyo ang offer ng MILF dahil ito ay isang insurgent group at ang Armed Forces of the Philippines (AFP) lamang ang "tanging lehitimo" na armadong grupo sa bansa.

Magugunita na nag-alok si MILF chairman for political affairs Gadzali Jaafar na tutulong sa government troopers sa all out war laban sa Abu Sayyaf sa pagsabing gagawin nila ito hindi dahil sa reward kundi bilang goodwill sa peace initiatives sa kanila ng Arroyo administration. (Ulat ni Ely Saludar)