Kapatawaran binawi ni Miriam laban 3 miron

Galit na binawi kahapon ni Senator-Judge Miriam Santiago ang kanyang kapatawaran sa mga miron na sina Dante Jimenez, Rosanna Fores at Bettina Aboitiz na kanyang hininging palabasin at bawalang makabalik sa gallery ng session hall ng Senado dahil sa masamang titig umano ng mga ito sa kanya noong Enero 4.

Ginawa ni Santiago ang hakbang dahil sa umano’y pagkaarogante ng tatlo sa nalathalang pahayag ng mga ito na hindi hihingi ang mga ito ng tawad sa kanya.

Kinondena naman ng Bagong Alyansang Makabayan at Kilusang Mayo Uno ang pagbabawal ng Senado sa mga rally sa harap ng gusali ng kapulungan. (Ulat ni Rose Tamayo)