Rehistrasyon wala nang extension

Nagdesisyon na ang Commission on Election na huwag nang palawigin ang rehistrasyon upang makahabol pa ang ilang botante sa darating na halalan sa Mayo 14.

Sinabi ni Comelec Chairman Harriet Demetriou sa pulong kahapon sa kanyang tanggapan na hindi na kailangang palawigin ang pangkalahatang rehistrasyon dahil walang natanggap na reklamo mula sa mga presinto.

Iginiit ni Demetriou na nagbigay na ng sapat na panahon ang komisyon na kung saan ay nagsimula ang rehistrasyon mula Hulyo 19, 1997 na umabot hanggang Disyembre 27, 2000 kaya wala nang dahilan upang palawigin ito. (Ulat ni Jhay Mejias)