Rally itinuloy

Kahit bisperas ng Bagong Taon at sa kabila ng mga naganap na pambobomba sa Metro Manila kamakalawa, itinuloy kahapon ng mga miyembro ng "Erap Resign Movement" ang kanilang rally sa Don Chino Roces Bridge malapit sa Malacañang.

Isang misa rin ang idinaos ng grupo kasabay ng pagkondena sa pambobomba na ikinamatay ng 14 katao at ikinasugat ng mahigit 90.

Sa labas ng Camp Crame sa Quezon City, nag-rally ang grupong Sanlakas para akusahan ang militar at pulisya na may kagagawan umano ng pambobomba. (Ulat ni Jhay Mejias)