Kongresista, ipapalit kay Defense Sec. Orly Mercado

Malaki ang posibilidad na isang kongresista ang papalit kay Sec. Orlando Mercado bilang Kalihim ng Department of National Defense.

Magsasampa ang mga mambabatas mula sa Lapian ng Masang Pilipino (LAMP) ng isang ‘resolution of endorsement’ upang hilingin sa Presidente ang pagtatalaga kay North Cotabato Rep. Anthony Dequina bilang Kalihim ng DND, kapalit ni Mercado, na tatakbong senador.

Makakalaban ni Dequina sa naturang posisyon si Armed Forces of the Philippines (AFP) Chief of Staff Gen. Angelo Reyes, na personal choice ni Mercado dahil sa pagiging matalik na kaibigan. (Ulat ni Malou Rongalerios)