Pulitiko ban sa stage ng El Shaddai rally

Sinabi kahapon ni Bro. Mike Velarde na simula sa Sabado ika-9 ng Disyembre na siyang regular na prayer meeting ng El Shaddai, hindi na pahihintulutan na umakyat sa stage ang mga pulitiko, imbitado man ito o hindi.

Sa halip na sa entablado sa harapan na lamang umano pauupuin ang mga pulitiko.

Sinang-ayunan naman ng Archdiocese of Manila ang pahayag ni Velarde ay sa darating na December 7 rally sa Malate Church Plaza ay tanging si Sin, mga obispo at buong kaparian ang mauupo sa entablado habang sa harapan naman ang mga pulitiko na dadalo.

Sinabi ni Fr. Anton Pascual ng Archdiocese of Manila na ang hakbang ay upang umiwas sa intriga ang mga prayer rally ay hindi naman tunay na pagdadasal bagkus ay politically motivated gathering. (Ulat ni Jhay Mejias)