DECS Sec. inutusan ni Erap na bawalan ang mag-aaral na lumahok sa rally

Mariing inatasan ni Pangulong Joseph Estrada si Education Secretary Andrew Gonzales na pagbawalan ang mga mag-aaral ng elementarya at high school na sumama sa mga rally.

Ang direktibang ito ay ginawa ng Pangulo bilang tugon sa mga natatanggap nilang reklamo mula sa mga magulang dahil sa pag-obliga sa kanilang mga anak na sumama sa mga kilos protesta.

Nagrereklamo ang mga magulang kung bakit ang mga musmos nilang anak na walang kinalaman sa pulitika ay pinipilit na isama sa mga maiingay na pagtitipon. (Ulat ni Lilia Tolentino)