Impeachment sa Senado aaraw-arawin - Roco

Tiniyak kahapon ni Senador Raul Roco na aaraw-arawin ng Senado ang paglilitis sa impeachment case laban kay Pangulong Joseph Estrada.

Sinabi pa niya na bibilisan nila ang proceeding sa pamamagitan ng marathon hearing. Magsesesyon sila kahit Sabado para walang masayang na oras o panahon at mapagpasyahan nang maaga ang kaso.

Sa isa ring pahayag, tiniyak ni Senate President Franklin Drilon na handa ang rules of impeachment sa sandaling iakyat ang kaso sa mataas na kapulungan ng Kongreso. (Ulat ni Doris Franche)