ROTC hiling buwagin

Nakahanap ng kakampi ang mga kalalakihan sa kolehiyo na dumadaan sa butas ng karayom para sa isang requirement upang makapagtapos ng pag-aaral dahil ipinabubuwag na ang Reserved Officer Training Corps (ROTC).

Ayon kay House Assistant Majority Floor Leader Rodolfo Albano III hindi na dapat pang dumaan sa ROTC ang mga kalalakihang nasa kolehiyo dahil ang nasabing pagsasanay ay isa nang ‘‘obsolete requirement’’

Hindi na rin umano praktikal na dumaan pa sa nasabing pagsasanay ang isang estudyante para makatapos ng kolehiyo dahil hindi naman nila ito magagamit partikular kung ang kanilang kurso ay wala sa field ng criminology o ano pa mang mapanganib na propesyon. (Ulat ni Malou Rongalerios)