Andam mokiha

Gipahimangnoan sa Universal Records Philippines ang mga indibidwal ug kompanya batok sa walay pagtugot nga paggamit sa mga kanta, litrato, video, ngalan ug hulagway sa singer nga si Gehlee Dangca alang sa commercial nga katuyoan. Suma pa sa maong record label, nakit-an nila ang paggamit ug pag-apod-apod sa mga awit ni Gehlee sa mga advertisement, music releases ug promotional content nga walay pagtugot gikan sa kompanya .Gibutyag sa Universal Records nga andam silang mohimo og legal nga lakang alang niini.

Sakto sa sustento

Gidayeg sa aktres nga si Bea Borres ang iyang ex-boyfriend nga si Meray Yamada tungod sa padayon nga paghatag niini og pinansiyal nga suporta sa ilang anak nga si Hopea.Gipasalamatan ni Bea ang iyang kanhi hinigugma tungod sa pagtuman niini sa responsibilidad isip amahan bisan pa man nga nagbulag na sila.