Kokoy 'gilamian' ni Rob

Gibutyag ni  Kokoy De Santos nga lami ka-eksena ang  sexy actress nga Rob Guinto sa Kapuso  primetime series nga “Batang Riles.”

"Nagulat ako, kasi sa role ko na si Kulot parang hindi mo i-expect 'di ba? To be honest ang sarap kaeksena ni Miss Robb kasi wala siyang kiyeme,” saysay pa ni Kokoy sa interview niini sa news program nga 24 Oras. Gidala ni Rob ang karakter nga Honey sa “Batang Riles”  ug gitouhan  nga mao kini ang love interest sa  karakter ni Kokoy. -SJA

Dear Tito Miguel

Gitupo sa dili type

Dear Tito Miguel

Ako diay si Camille ,  taga  Samboan ,Cebu .   Naproblema ko kay permi ko itupo sa akong barkada ngadto sa lalaki nga wala ko'y gusto. Nasayod ko nga dili big deal ang mga sungog-sungog , apan ang nakapait lang kay gipasaligan sa akong barkada ang maong lalaki. Gipasaligan nila nga mo-entertain rako niini sa dili madugay . Para dili malain ang lalaki, ni-reply  nalang pud ko sa iyang mga pa-cute nga chat.

Apan ako siya nga giprangkahan nga dili na magdahom kay wala pa sa akong huna-huna nga makabaton og boyfriend. Yes , guwapo siya apan dili nako siya type kay murag bata-bataon. Bisan kapila nako moprangka niya , wala gyud siya nihunong kay nitoo siya sa pasalig sa akong barkada. Unsaon mani nako Tito Miguel ? Akong barkada pud kay dili maminaw sa akoa, murag linawgan tingale ni sila. -Camille -

* * *

Camille,

Gihimo ka nga duwaan sa imong mga higala nga wala’y lingaw. Ngano gud tawon ila kang gibaligya ug silay ni-desisyon para nimo. Lagmit sige nila agnihon ang lalaki nga magpadayon ka’y igo ra ka nagpalugit. Labi na gyud kay ni-kumplimento ka’g tubag. Lagmit ni-ingon sila nikagat na ka o nasulod sa plastik.

Kun wa gyud ka’y gusto sa lalaki, ayaw na tagda maski unsa pa iyang buhaton. Sige na man ka’g pranka niya nga wala siya’y mapaabot, gihimo na nimo ang tanan, gawas sa pagputol sa tanan ninyo nga komunikasyon.

Siguro naman kahibawo ka mo-block niya sa social media, buhata na aron iyang makita nga seryoso’g desisdido ka sa pagbalibad. Kat kun sige ka’g atubang niya aron mobalibad, online man o personal, basin samot siya mahagit. Duna baya siya’y mga tig-abiba.

Dili na kinahanglan badlongon imong mga barkada, kay sug-sugan man sila, samot na mogara. Inay nga imong ipakita nga apektado ka, ipaamgo nila nga hingpit imong pagdumili, nga wa na nimo tagda ilang manok. Sila mismo maluya. Buhata, aron ikaw mismo makaamgo kun dili ba gyud ka ganahan niya. Kay basin diay mingawon ka niya kun dili na nimo siya makita o maka-chat. Kun mangita ka niya, at least ikaw na mismo ang ni-desisyon, dili imong mga barkada nga nagtuo nag-inusara ka’g masulob-on. -Tito Miguel-

Magpatambag ka? Ipada kang Tito Miguel: 0991-318-9366