Copyright issue Mariah nakadaog sa kaso
CEBU, Philippines — Nakadaog si Mariah Carey sa giatubang niya nga kaso kun diin giakusahan siya nga nangopya og elemento sa usa ka awit nga susama og titulo sa Christmas song niya nga "All I Want for Christmas Is You".
Ang reklamante nga Vince Vance and the Valiants kay napakyas sa pagpakita og igong gibug-aton sa ilang reklamo .
Gi-release niadtong 1989 ang awit sa Vince Vance and the Valiants' nga "All I Want for Christmas Is You" , samtang ang awit ni Mariah nga nagtangag sa susamang titulo kay gilusad niadtong 1994 isip kabahin sa album niya nga "Merry Christmas" .
Ang copyright infringement case kay gisang-at niadtong 2023 kun diin ang reklamante kay ni-request og $20 million nga damages.
Hangyo ni Alden
Napungot si Alden Richards sa mga tawong magsige og sabwag og intriga. Dili pud siya ganahan nga kuwestiyonon ang iyang gipangbuhat. Gisumsoman karon sa netizens ang cryptic post niya nga ,”No need to comment on my journey; just enjoy your own.”
Direk Darryl mipiyansa
Nipiyansa og P20, 000 ang film director nga si Darryl Yap sa duha ka counts sa kasong cyberlibel nga iyang giatubang . Aduna kini kalabotan sa kontrobersiyal nga teaser sa pelikulang The Rapists of Pepsi Paloma . Ang komedyanteng TV host nga si Vic Sotto maoy nipasaka sa maong kaso. Niadtong Miyerkules, ni-isyu og arrest warrant alang kang Yap si Muntinlupa Regional Trial Court Branch 203 Presiding Judge Myra Quiambao ,ug sa susamang adlaw kay nipiyansa dayon ang direktor.
- Latest
