Karakter ni Bianca gikahinaman

CEBU, Philippines — Gibutyag ni Bianca Umali nga mataypan gyud sa viewers ang karakter niya isip Terra sa upcoming Kapuso series nga "Sang'gre". Excited na kaayo ang aktres alang sa pag-ere sa maong serye.“Hindi ako makapaghintay na maintindihan nila na, ‘Ah, kaya pala ito ‘yung panahon na ginugol para sa ‘Sang’gre’ kasi ito ‘yung itsura niya.Ito ‘yung effort ng dugo at pawis na bumubuo ng ‘Sang’gre,’" saysay pa sa aktres ngadto sa GMA News.

Beauty ug Paolo magpares

Mag-uban sa usa ka  pelikula sila si Paolo Contis  ug Beauty Gonzalez.  Ianunsyo nila sa umaabot nga mga adlaw ang  uban artista nga malakip sa maong movie project ."Ito na ang #BeautyContis. Get ready for an exciting new movie with Paolo Contis and Beauty Gonzalez. Stay tuned," social media post sa Sparkle GMA Artist Center.

Negosyante ang ka-date

Dili pa andam si Sanya Lopez nga itug-an ang pangalan sa lalaki nga iyang ka-date karong panahona.  Nitumaw usab ang chika nga usa kini  ka negosyante .  Wala pa gyud nakasuway si Sanya nga nakabaton og uyab sukad pa kaniadto

KimPau pasidunggan

Nipagawas na ang Philippine Movie Press Club (PMPC) og partial nga listahan sa mga mananaog sa 38th Star Awards for Television.

Hatagan usab og award si anhing Gloria Romero gumikan sa dakong kontribusyon niini sa kalamboan sa Philippine Television.

Ang tandem nila ni Kim Chiu ug Paulo Avelino   sa teleseryeng Linlang maoy makadawat sa German Moreno Power Tandem Award.

Katabla nila sa maong pasidungog ang mga bida sa Pulang Araw nga sila si Barbie Forteza ug David Licauco .

Ang grand awards night kay pagahimoon sa Dolphy Theater karong Marso 23,  2025 (Domingo) .  Ang hosts niini kay naglangkob nila ni Alden Richards, Kim ug Piolo Pascual.

Pipila sa special guests sa maong kalihokan kay sila si Julie Anne San Jose, Christian Bautista, Kai Montinola, Jarren Garcia King Martin Nievera, Jed Madela ug Eat Bulaga Singing Queens .

Kita ni David sa usa ka tuig, miabot og P50M

Nagkakusog og samot ang showbiz career ni David Licauco ,ingon man usab ang iyang mga negosyo nga kan-anan.

Ang labing dako niya nga kita sa usa ka tuig  kay niabot og P50 million .

Nahisgotan kini sa latest TikTok vlog sa Iskul of Dizcartes (IOD) human dunay nangutana sa aktor kun pila ang labing dako niya nga kita sa usa ka tuig sa iyang pagka-artista ug negosyante.

"Reckless ako when it comes to investing. I think I'm in a stage of my life where calculated risk," suma pa ni David. Busy karon ang aktor sa promosyon sa iyang upcoming movie nga "Samahan ng mga Makasalanan" nga makita sa mga sinehan karong Abril 19.

Xian mipalit og aircraft

Nilarga sa niaging adlaw si Xian Lim didto sa Brisbane, Queensland, Australia aron susihon ang napalit niya nga light aircraft sa maong dapit.

 Puwerting lipaya sa aktor gumikan kay natuman na gyud ang iyang pangandoy nga makabaton og kaugalingong light aircraft.

Licensed pilot na si Xian human siya niagi og lapad nga  training  sa usa ka tunghaan sa Subic, Zambales sa niaging tuig.