Rabiya gisalikway sa iyang biological father

CEBU, Philippines —  Nahibaw-an na gyud ni  Rabiya Mateo ang nahimutangan sa iyang  Indian-American biological father nga si Syed Mohammed Hashmi nga gipangita niya sulod sa taas nga panahon .

Sa report sa PEP, nahinabi  ni Rabiya ang iyang amahan sa telepono apan gisalikway siya niini.

Kahinumdoman nga  gibiyaan si Rabiya sa  iyang  amahan sa dihang bata pa lang siya . Nagdako ang beauty queen-actress  sa kiliran sa iyang inahan .

Dugang impormasyon nga nasagap sa PEP, gihilakan og maayo ni Rabiya ang mga sakit nga pulong nga iyang nadawat gikan  sa iyang amahan atol sa istoryahanay nila sa telepono. Giingong usa ka  doktor nga nagbase na didto sa Amerika ang biological father sa beauty queen .

 “Don’t message me and my family. I don’t care about you. I want nothing to do with you," ang gikatahong mensahe nga nadawat ni Rabiya gikan sa iyang amahan.

Gusto ra gyud unta ni Rabiya nga makakita sa iyang amahan ug wala siya'y plano nga mangayo og suporta niini.

Gidawat nalang sa  beauty queen ang kamatuoran nga gisalikway na siya  sa iyang amahan  busa gisaad niya sa iyang kaugalingon nga mo-focus nalang sa pag-atiman sa iyang karera , inahan ug igsoon. —SJA