The Voice USA Pinoy nakatungtong sa Top 8
CEBU, Philippines — Ang kanhi contestant sa "Tawag Ng Tanghalan" nga si Sofronio Vasquez kay nakadawat og standing ovation gikan sa iyang coach nga si Michael Bublé gumikan sa hugyaw niya nga performance sa "The Voice USA."
Gikanta ni Sofronio atol sa The Voice Playoffs ang "Crying" ni Roy Orbison.
Sa labing ulahi nga update, nakasulod na siya sa Top 8 sa maong programa,
"I made it to the Top 8! Now it's in your hands, America," niya pa.
Neri gisikop tungod sa estafa
Gisikop sa kapolisan ang aktres nga si Neri Naig gumikan sa alegasyon sa estafa ug sa pagsupak sa securities regulation code. Suma pa sa statement sa Southern Police District, gi-serve ang warrant of arrest ngadto sa aktres didto sa basement convention center sulod sa usa ka mall sa Pasay City niadtong Nobiyembre 23.
Nag-atubang si Neri og 14 counts sa pagsupak sa Section 28 of the Republic Act 8799 o Securities Regulation Code.
Sa pagsulat niining balitaa, wala pa motingog ang kampo ni Neri.
Real score sa FranSeth gipublikar
Gitubag na nila ni Francine Diaz ug Seth Fedelin ang pangutana kalabot sa ilang real score ug gitataw sa duha nga naa sila karon sa “getting-to-know-each-other stage”.
Aminado si Seth nga naa sila karon sa laing level kung mag-istoryahanay silang duha.
"Ngayon ano kami, nag-uusap kami. I mean iba na 'yung dating kaysa dati. Parang mas pagkatapos magtrabaho kami magkausap," saysay pa ni Seth sa interview ni Ogie Diaz.
Samtang gitataw ni Francine nga naandan na gyud niya nga dili mamakak ngadto sa publiko.
"Siguro tito getting to know each other... Kami naman po never namin shinowbiz ang mga sagot namin from the very beginning. Very open and honest kami to everyone,” ni Francine pa.
Si Seth maoy tighatod ni Francine sa gi-eskwelahan niini.
- Latest
