CEBU, Philippines — Wala kapugong si Heart Evangelista sa pagtulo sa iyang luha pagkahuman sa Paris Fashion Week.
Sa Instagram, gipakita sa aktres ang video nga kuha atol sa katapusan niya nga adlaw sa Paris kauban ang iyang bag-ong glam team.
Gipakita pud niya ang naandan niya nga buhaton sa katapusang adlaw sa fashion week, ang pagpanghatag og regalo, kape, ug pagkaon sa photographers sa maong kalihokan.
Nitikang pud si Heart sa Eiffel Tower kauban ang iyang team ug dinhi sila naghinilakay.
Mapasalamaton ang aktres sa mga tawong nakauban niya sa maong dapit.