Jolianne aktibo gihapon sa pagkanta

CEBU, Philippines — Nagmalampuson ang bag-ohay lang nga  “The Style Guide Fashion Show“  sa  Aya Center Cebu nga nagpakita sa mga bag-ong   estilo sa mga sapot nga gikan nagkadaiyang brands.

Usa ka lapad nga entablado ang girampahan sa nagbaha nga mga modelo.

Wala usab nagpaulahi sa pagdalit og song number  sa maong kalihokan mao ang  Cebuana singer nga si Jolianne.

Ang singing career ni Jolianne kay gihuptan sa Careless nga gipanag-iya sa singer-actor nga si James Reid. 

Nakapundar og sakyanan

Tungod sa pagkugi og maayo sa showbiz ,  nakabaton na og kaugalingong  sakyanan ang aktres nga  si Angeli Khang . Matud pa sa aktres nga mag-taxi   o  mag-motor ra  siya kaniadto  padulong sa iyang mga taping.  Nagsugod ang career ni Angeli sa Vivamax  hangtod nga  nagsagunson og maayo ang iyang mga proyekto.

Nagtingog na

Nagtingog na ang singer nga si Morissette Amon  ug ang iyang pamilya. Nag-post og hulagway ang singer sa Instagram kun diin kauban niya ang iyang pamilya ug  kauban usab ang iyang bana nga si Dave Lamar.  Una na nga gidungog kaniadto nga wala mauyoni sa pamilya ni Morissette ang pagpakasal niini ngadto kang Dave. 

Todo pasalamat

Nanamilit  na  si Ivana Alawi sa  “FPJ’s Batang Quiapo” ug mapasalamaton siya sa tanan  niya nga nakauban sa maong serye ilabi na sa bida niini nga si Coco Martin.  Todo usab ang iyang pagpapasalamat ngadto sa tanang viewers . Kahinumdoman nga namatay na  sa niaging gabii ang karakter ni Ivana isip Bubbles.“From the bottom of my heart maraming salamat sa inyong lahat, sa inyong walang sawang pagtanggap sa akin gabi-gabi, sa pagmamahal niyo kay Bubbles. Salamat po ng marami at sana patuloy niyo parin supportahan ang Batang Quiapo. Hanggang sa muli, Bubbles signing off,” Instagram post sa aktres.  

Na-link kang Daniel mihangyo sa netizens

Nanawagan ang Star Magic artist nga si  Amanda Zamora ngadto sa netizens nga unta hunungon ang pagpakatap og istorya nga nag-link sa iyang pangalan ngadto sa laing tawo. 

Dugang hangyo sa aktres nga magbinantayon unta sa pagbuhi og mga pulong.

"I kindly ask everyone to stop spreading baseless rumors and fake news where I am in no way associated with. May we be kinder in words towards one another and practice discernment, especially on the internet," matud pa ni Amanda.

Nasayran nga na-link si Amanda ngadto sa aktor nga si  Daniel Padilla. -SJA

45th anniversary sa EB

Nag-post kagahapon og hulagway  sa social media ang TVJ Productions Inc isip pagpaambit sa kasaulogan sa  45th anniversary sa noon time show nga Eat Bulaga.

“Road to 50 and beyond,” caption pa sa maong hulagway.

Kasamtangang makita sa   TV5 ang noontime  show nila ni Tito Sotto, Vic Sotto ug Joey de Leon.  – SJA

Sophie  Albert mabdos

Mabdos ang aktres nga si Sophie Albert  alang sa ikaduhang anak nila sa iyang  bana nga si Vin Abrenica.

Gipaambit ni  Sophie  sa  Instagram ang hulagway    sa ilang  maternity shoot kun diin gikuyogan siya ni Vin ug asa anak nila nga si Avianna.    "From three to four, our family is growing more! The secret’s out and we’re over the moon!" caption pa ni Sophie sa maong hulagway.- Sanden J. Anadia

Niño dunay “cryptic post”

Gisumsoman kagahapon ang  Facebook post ni  Niño Muhlach   nga nagtangag sa linya nga , "INUMPISAHAN NYO, TATAPUSIN KO!" nga dunay tono sa pagpanghulga.

Dunay pipila ka netizens  ang nagduda   nga basin duna kini kalabotan sa   kontrobersiya nga  gikalambigitan sa usa ka  aktor  ug ang duha ka  personalidad nga gikan sa TV industry.

Sa niaging adlaw,  una nga niisyu og statement ang  GMA Network  kalabot sa niulbo nga taho   kalabot sa  ”harassment” nga naglambigit sa usa sa ilang mga artista ug sa  gitawag nila nga   “independent contractors.”

"We have yet to receive a formal complaint from those allegedly involved in the issue. Should one be filed, the Network is committed to conducting a thorough and impartial investigation.We assure the public that GMA Network takes such matters with utmost seriousness,” tipik sa statement sa GMA Network.

Sa niaging adlaw, niulbo ang report nga dunay aktor nga giingong nabiktima sa pagpamolestiya sa duha ka tawo.

Giingong nahitabo kini pagkahuman sa  engrandeng party sa usa ka network.

Nikatap ang chika nga gibutangan og pampatulog ang giinom sa aktor ug dinhi nag-ugat ang nahisgotan nga pagpangabuso.