CEBU, Philippines — Gihimugso na ni Dianne Medina ang babaye nga anak nila ni Rodjun Cruz niadtong Martes ug ginganlan nila kini og Maria Isabella Elizabeth Ilustre.
Puwerting pahiyom sa duha gumikan kay naatol gyud kini sa ilang 17th anniversary isip managhigugmaay. “The best na regalo ang binigay sa atin ni Lord ngayon.! Grabe! Ang ating second baby. Our princess,” social media post ni Rodjun .
Herlene naghudyaka human nakahalok kang Alden
Dili gyud masukod ang gibating kalipay ni Herlene Budol gumikan kay nahatagan gyud siya og tsansa nga makahalok sa Kapuso heartthrob nga si Alden Richards atol sa GMA Gala 2024.
Sa Instagram , gipakita ni Herlene ang video kun diin makita nga nananghid siya kang Alden kalabot sa iyang buhaton.
“Heto naka-video na ‘to. Heto si Kuya Alden magpapaalam ako, iki-kiss ko na siya.Kuya, pwede i-kiss kita?”,” mensahe pa ni Herlene .
Isyu sa guest list sa GMA Gala 2024 Nadine wala mahiubos sa Gma netwoirk
Nakadawat og text message si Nadine Samonte gikan sa production in-charge sa GMA Gala 2024 ug nangayo kini og pasaylo sa nahitabo human wala nalakip ang iyang pangalan sa guest list sa maong kalihokan,.
‘May nangyaring instances din daw po sa table arrangements and rest assured they will do better sa major events po nila.Tapos sa dulo ng message, nakalagay na, 'We still hope that you had an enjoyable time tonight,” saysay pa ni Nadine sa interview niini sa PEP.ph. Nagkatawa nalang si Nadine sa maong mensahe ug wala siya mo-reply niini kay basin unsa pa ang iyang masulti.
Giklaro hinoun sa aktres nga wala ra siya mahiubos sa GMA Network sa nahitabo kaniya.
"Hindi po masama ang loob ko sa GMA, and I’m still thankful kasi nabigyan ako ng magandang show and opportunity na maipakita ko yung skills ko sa acting,” ni Nadine pa.
Kahinumdoman nga gisumsoman ang taho sa niaging adlaw human nagyawyaw sa social media ang stylist ni Nadine gumikan kay nakadawat og imbitasyon ang aktres sa GMA Gala 2024 apan wala ang pangalan niini sa guest list.
Nihatag pa gani og kumpirmasyon si Nadine alang sa pagtambong niya sa maong kalihokan ug nituman usab siya sa call time nga gihatag alang sa pag-abot sa venue.
Michelle ug Kevin nagpakasal
Nagpakasal na sila si Michelle Madrigal ug ang iyang non-showbiz boyfriend nga si Kevin Neal didto sa Austin, Texas. Base sa Instagram post ni Michelle, usa kini ka civil wedding ceremony nga nahitabo niadtong Hulyo 22 . “While we still plan to celebrate our wedding with our loved ones, for now, we are overjoyed to be married. We are two people seeking the Lord to grow individually and as a couple, and to guide Anika and our future children," Instagram post ni Michelle.
Milarga na sa Canada
Nilarga na ang Kapamilya actress nga si Kathryn Bernardo didto sa Canada alang sa shooting sa pelikula nila ni Alden Richards nga "Hello, Love, Again”. Nidagsa ang fans ni Kathryn sa airport isip pagpakita sa ilang mainitong suporta sa ilang idolo.
Calendar girls
Nag-reunion ang 2003 FHM Calendar girls nga sila si Aubrey Miles, Maui Taylor, ug Diana Zubiri sa Fast Talk with Boy Abunda sa niaging adlaw. Dul-an na sa 22 ka tuig human ang katapusan nila nga panag-uban sa press launch sa FHM Calendar 2003.
Pelikula ni Janine pasok sa Venice FilmFest
Nagmaya ang aktres nga si Janine Gutierrez gumikan kay ang pelikula niya nga “Phantosmia” kay lakip sa ipasalida sa 81st Venice Fim Festival.
Ang maong pelikula kay ubos sa direksyon ni Lav Diaz.
"Super dream come true - our film, Lav Diaz’s 'Phantosmia', will premiere at this year’s La Biennale di Venezia. Sooooo grateful and happy and honored to be part of this film!!! Venice has always been a dream and I’m just, again, so grateful to the Lavteam and to everyone else who’s trusted me enough to cast me in their films and series," Instgram post sa aktres .