Bea mitingog na gyud !

CEBU, Philippines — Nitingog na si Bea Alonzo  aron mahatagan og katin-awan ang breakup nila ni  Dominic Roque.

Suma pa sa aktres nga naapektohan siya sa mga dili tinoud nga taho nga gipasiatab batok kaniya . Matud pa niya nga walay kamatouran ang niulbo nga taho nga matud pa siya'y nakigbuwag kang Dominic. "Hindi ako ang nakipag-break.Let's leave it in the past. It's amicable. OK naman kami. I think it will be disrespectful to the relationship and to the other person to talk about it,"saysay pa sa aktres sa interview niini ni  Nelson Canlas sa GMA News.

Gusto sa aktres nga kalimtan na ang maong kaagi sa iyang kinabuhi.

"It's a very sensitive topic. And gusto kong bigyang ng respeto at gusto kong iwan sa magandang paraan what we had," ni Bea pa.

TV comeback ni Echo

Adunay TV comeback ang award-winning actornga si Jericho Rosales . Nalakip siya sa umaabot nga proyekto sa Dreamscape Entertainment nga "Lavender Fields" kauban sila si Jodi Sta. Maria ug Janine Guttierez."This is the grandest comeback of the Asian Drama King sa Primetime Bida!" social media post sa Dreamscape.

Natapos na

Nag-final episode na sa VIU ang Philippine version sa "What's Wrong With Secretary Kim" nga gibidahan nila ni Kim Chiu ug Paulo Avelino. Giangkon ni Kim nga duna siya'y gibating kahadlok sa dihang gidawat niya ang maong proyekto." As I close another character I played, I always learn something or have this takeaway trait that I will keep inside my pocket as I turn my back to that particular role. There were so many doubts, confusion, fear, and unsure thoughts, but all I did was trust the process. Surprisingly, everything went smoothly, and the boat sailed perfectly. I leave my fears and doubts behind," Instagram post ni Kim .

Birthday surprise

Emosyonal si Ryzza Mae Dizon sa birthday surprise nga gidalit sa iyang co-hosts sa “Eat Bulaga” alang kaniya. Gawas sa video greetings, nakadawat usab siya og mga regalo gikan sa  iyang dabarkads.