Sekreto  sa lig-ong kaminyoon

CEBU, Philippines — Gipaambit ni  Marian Rivera  ang sekreto   nila ni Dingdong Dantes kun nganong nagpabiling lig-on ang ilang kaminyoon.

Matud pa niya nga kinahanglan nga wala’y gitago ngadto sa partner  ug ipatigbabaw ang gugma ug pagsalig.

Importante alang usab kaniya nga  himoong sentro sa  relasyon  ang Ginoo.

Arci midepensa sa iyang pagka-reservist

Gipanalipdad ni Arci Muñoz ang iyang pagka-  Air Force reservist  ug gitubag niya ang  iyang basher kinsa  giingnan siya nga bagsik lang sa social media  apan wala’y igong kusog sa pagpanalipod sa nasud. Gipasabot kini ni Arci nga ang  pagsulod niya sa air force kay dili lang kutob sa gubat, ug isip reservist  kay nakapunting  siya sa pag-promote sa kalinaw.

Gisumbalikan sa  aktres ang iyang basher ug gipangutana kini kun nakasuway  ba kini og pangalagad sa  nasud.

Bag-ong single  sa BGYO miarangkada sa laing nasud

Walay puas nga kilig  ang gibida sa  Filipino boy group nga BGYO sa ilang  bag-ong single nga “Gigil.”

Gilusad usab sa   grupo ang ilang  performance video kun diin gibida sa mga miyembro nga sila si Gelo, JL, Akira, Mikki, ug  Nate ang bag-o nila nga  imahe nga naghatag usab og mensahe alang sa kalipay nga mahatag sa gugma.

 Niining higayona, hands on ang grupo sa nahulma nga musika.

“Before we recorded the song we would meet on what we could do to make it more kami,” saysay pa ni Mikki ngadto sa  ABS-CBN News.

Dili usab malimod nga nilutaw ang  ka-cute sa  gilusad nila nga video.

“It can be sexy or cute. If mapapanood niyo yung performance video, we wanted to be colorful. 'Yung manggigigil ka sa sobrang ka-cutan,” saysay sa laing miyembro nga si  JL.

Gi-produce  ni BoJam sa  FlipMusic ang maong awit ug sinulat kini nila ni  Julius James “Jumbo” De Belen ug  John Michael Conchada.

Sulod  lang sa usa ka semana , nakalangkat dayon kini og  116,000 streams sa Spotify , samtang ang performance video niini kay nakakuha og  100,000 views sa  YouTube. Niarangkada usab ang maong  kanta sa unang pwesto sa iTunes Philippines, Saudi Arabia,ug  UAE. Pasok pud kini sa  Spotify Philippines New Music Friday playlist.

Dili pa lang dugay, gilusad sa  BGYO ang single nila  nga “Patintero” nga dunay  1.8 million streams sa Spotify. Giawit nila  ang “Uuwian” nga kabahin sa  soundtrack sa  “What’s Wrong With Secretary Kim”. Samtang nag-uban sila si  Gelo, Mikki, ug  Maymay Entrata alang sa awit nga  “Kalma Kahit Magulo” sa  “High Street” soundtrack.