Angeli mihimakak sa pagkalambigit sa Bea-Dominic breakup

Mitingog na gyud si  Angeli Khang kalabot sa chika kaniadto nga matud pa duna siya'y kalambigitan sa breakup nila ni  Bea Alonzo ug Dominic Roque.

Sa Updated With Nelson Canlas, gihimakak sa aktres  nga siya ang rason sa panagbuwag sa nahisgotan nga mga artista.

“Fake news po, fake news siya," sa aktres pa. Gitataw pud ni Angeli nga dili niya kaila si Dominic sa personal.

“Tingin sa akin ng mga tao ‘pag lumalabas ako na taray na taray talaga sa akin, parang ako talaga ‘yung reason ng breakup nila. Gusto kong mag-explain sa kanila, wait hindi po, hindi po kami magkakilala,”matud pa ni Angeli.

Dugang pa sa aktres nga usa siya ka semana nga walay gawas-gawas sa balay human niulbo ang maong isyu.

Colet na-starstruck  kang Lay

Dili gyud masukod ang gibating kalipay sa miyembro sa BINI nga si Colet Vergara human nahimamat niya sa personal ang iyang idolo nga  miyembro sa K-pop boy group  nga EXO nga si Lay Zhang. Nahitabo kini sa dihang nilugwa ang BINI sa reality show didto sa China nga "Show It All."

"I prepared myself mentally for the possibility of meeting Yixing, but no preparation is enough when you get to really meet him," ni Colet  pa.

Gikulbaan og maayo si Colet sa dihang nakaatubang na niya ang iyang idolo.

"Sobrang kind niya and humble, sana mukhang hindi creepy pero nakatingin lang po ako sa kaniya the whole time. I tried my best to stay as calm as possible knowing one of my idols was just a few meters in front of me. My EXO-L heart is very happy," dugang pa niya.

AC, Ralph ug Harvey sa High Street

Gipaila-ila na sa Star Magic ang dugang mga artista nga mosulod sa teleseryeng  “High Street” ug kini naglangkob nila ni  AC Bonifacio, Ralph De Leon ug  Harvey Bautista.

Magsugod ang bag-ong  Kapamilya series karong Mayo 13. Ang  High Street kay gibidahan nila ni Andrea Brillantes, JK Labajo, Elijah Canlas,  Zaijian Jaranilla, Xyriel Manabat, Gela Atayde, Miggy Jimenez ug Tommy Alejandrino.

Pagbakasyon ni Andi giintriga

Hugtanong gihimakak ni Andi Eigenmann ang taho nga matud pa nagbuwag sila sa iyang hinigugma nga si Philmar Alipayo. 

Kahinumdoman nga nag-ugat ang maong intriga human nibakasyon  si Andi sa Japan nga wala si Philmar.

Suma pa ni Andi nga igo ra gyud siya nibakasyon kauban ang iyang igsoun ug uban nga mga kabanay."

I literally just went on a vacation with my brother and our kids, and come home to find out, through the internet, that i've just been separated...," Instagram post ni Andi.

"Moonlight"

Gi-release na bag-ohay lang  ang music video sa latest single  sa SB19  nga  "Moonlight". Sila si  Ian Asher  ug Terry Zhong ang producers niini. Gipistahan dayon kini sa fans sa maong grupo.

 ‘Pula’ sa Netflix

Makita na sa streaming platform nga Netflix ang pelikula nila ni Coco Martin ug Julia Montes nga "Pula". Kauban nila sa maong pelikula sila si Raymart Santiago, Lotlot De Leon, Alan Paule, Elizabeth Oropesa, Christine Bermas, Ina Alegre, ug Vince Rillon. -

Bela maoy sunod kaslon?

Gipaambit ni Bela Padilla sa iyang latest Instagram post ang sweet photo nila sa iyang Swiss boyfriend nga si Norman Bay kinsa bag-ohay lang nagsaulog sa iyang birthday.

Nipadangat og birthday message   si Bela ngadto sa iyang hinigugma nga nagpakilig og maayo sa iyang followers.

”Another trip around the sun, done! I wish you all the best things in life. I hope you know that I’ll always meet you in St. Gallen…or any other city, country or continent to spend time with you ," ni Bela pa.

Pipila sa mga nadawat nga komento sa Instagram post sa aktres kay nagkanayon nga posibleng si Bela na ang sunod nga kaslon.

Bag-ohay lang gikasal ang best friend ni Bela nga si Angelica Panganiban

^{Ang pagsagobang ni  Awra sa kontrobersiya}

Gibutyag ni Awra Briguela nga okay na siya ug mas gipalig-on na niya ang iyang kaugalingon  human nakaamgo sa iyang mga kasaypanan kaniadto.

Sa latest vlog ni Vice Ganda , emosyonal si Awra sa dihang gihisgotan ang pagsagobang sa kontrobersiya nga iyang gikalimbigitan pipila ka buwan na ang nilabay.

Kahinumdoman nga nalambigit  si Awra kaniadto og kagubot sa bar.

"I'm okay, I'm getting better and stronger," niya pa. Gipangutana siya ni Vice sa nahimong epekto sa kontrobersiya nga iyang giatubang kaniadto.

"Ano kasi ako Meme eh, ako hindi ko kayang magpakita ng weakness ko sa mga taong mahal ko, kaya after what happened noong nakauwi na ako siyempre lugmok na lugmok ako, umiyak na ako dahil hindi ko na talaga kaya," ni Awra pa.

Wala damha sa komedyante nga maabot sa punto nga makasulod siya og prisohan.

"Nung nakulong ako, parang hindi ko pa rin siya ma-realize na parang nangyayari na sa akin ‘yun. And nung nangyari kasi ‘yun, hindi ko siya in-expect kasi nga YOLO ako nun eh," dugang pa niya.