Game Ka Na Ba?

Subli na nga makita ang toprating game show nga Game Ka Na Ba? sugod karong October 12, ug makita pinaagi sa Jeepney TV ug sa sikat karon nga entertainment app nga mao ang Kumu. Si Robi Domingo na maoy mo-host niini. Ang GKNB, unang gidumala ni Kris Aquino sulod sa unom ka tuig. Gipulihan siya ni Edu Manzano ug katapusan kining nakita sa ABS-CBN niadto pang 2009. Toprating kini ubos sa pagdumala ni Edu ug Kris.

Mobalik na sa free TV?

Nagpadaduding si Vice Ganda sa It’s Showtime niadtong Biyernes nga  daw mahibalik na sila sa free tv sa dili madugay. Dili lang gyud matud pa siya magsaba aron dili siya makasab-an sa management, basta kay angayan matud pa kining atangan sa ilang mga fans. Kasamtangang makita sa youtube ug sa cable television ang It’s Showtime. Apan ang mga naunang tsika, magblocktime ang ABS-CBN sa Zoe TV u gang It’s Showtime ug ASAP maoy unang isalida puhon.

Magtigi!

Magsungag ang news programs sa magsuong Raffy Tulfo ug Erwin Tulfo sugod ugma sa sayong kagabhion. Lakip si Raffy sa mga anchors sa labing bag-ong news program sa TV5 nga mao ang Frontline Pilipinas nga makita 6:30pm to 7:30pm.  Kauban niya sila si Ed Lingao, Sheryl Cosim, Lourd de Veyra, ug Luchi Cruz Valdez.  Si Erwin sab, usa sa mga anchors sa Ulat Bayan sa PTV4 nga makita 6pm to 7pm. Kauban niya ang kanhi ABS-CBN reporters nga sila si Aljo Bendijo ug Alex Santos, ingon man ang kanhi beauty queen nga si Diane Querrer.

Good vibes

Giregalohan ni Vice Ganda og laptop ang mga anak sa iyang helper ug gidala sa mall aron magshopping ang iyang mga bodyguards. Kini maoy unod sa latest vlog ni Vice sa Youtube nga giulohan, “Pa Ayuda ni Meme.”

Ang bata nga gitawag niya’g anak-anak, gihatagan niya og laptop. Regalo matod pa kini niya sa anak sa iyang helper sanglit honor student kini. Laing anak sa iyang helper sab gihatagan niya og laptop.

Giingnan ni Vice ang maong mga helper nga sultihan siya unsay kinahanglan nga gadgets kay siya na maoy mopalit aron dili na sila magproblema.

Samtang ang bodyguards gidala nila ni Vice ug sa iyang hinigugma nga si Ion sa usa ka mall ug gipamalitan og mga gamit. Usa sa ilang gipalit mao ang sapatos sanglit kada lakaw matud pa nila, walay tarong nga sapatos ang mga nahisgutan.

Pasabot ni Vice nga gibuhat niya ang pag-ayuda sanglit nasayud siya unsa ka lisud ang walay ikapalit sa mga panginahanglanon sanglit siya mismo pobre kaniadto ug nakalampos lamang gumikan sa kaayo sa us aka hapon nga wala gani niya makaila ug mahimamat.

“Buti nalang naging scholar ako ng isang Haponesa na di ko man lang nakilala. Ang pangalan nya ay Noriko Tokura. Salamat, dahil sa kanya nakaraos ako sa mga bayarin sa eskwela,” ni Vice pa.