Praise the Lord!

Gipahibalo sa veteran actor Christopher de Leon nga nagnegatibo sa COVID-19 ang asawa niyang si Sandy Andolong. Kahinumduman nga daling nagpa-test si Sandy sa dihang nasuta nila nga nagpositibo si Christopher sa maong virus.“The test of Sandy came today & she is negative of this coronavirus! Praise be to our Lord God!" Sigon pa sa mensahe nga gipadala sa aktor ngadto sa Pep.

Nauyonan

Niabot na og 1M views sa Youtube ang bag-ong kanta ni Vice Ganda nga "Corona Ba-Bye Na." Una niya kining gipadungog atol sa gihimong Pantawid ng pag-ibig: At Home Together Concert sa ABS-CBN para makatigom  og hinabang alang ngadto sa grabeng naapektuhan sa enhanced community quarantine sa Manila. Giawhag niya ang mga madlang people nga mosayaw sa iyang bag-ong kanta para mawala ang laay ug kahadlok sa COVID-19.

Birthday wish

Nagsaulog sa iyang  56th birthday ang  multi-awarded ug respected broadcast journalist nga si Jessica Soho ug wala matod pa siya'y laing birthday wish kun dili mao ang pagtapos na sa COVID-19 crisis sa nasud."I pray that this too will pass and we will all heal. My most fervent prayers are for our frontliners—doctors, nurses, medical personnels, policemen, service workers. And of course, our news teams,"sigon pa ni Jessica.

Mitubag sa netizen

Gisupalpal sa aktres nga si Ellen Adarna ang usa ka netizen kinsa nangutana nganong dili siya mag-upload og hulagway sa iyang anak nga si Elias Modesto  uban ang amahan niini nga si John Lloyd Cruz. "His father and I are protecting him and his privacy from chismosas like you”paghot pa sa Sugbuanong aktres.

Creative workout

Gibutyag sa hunk actor nga si Vin Abrenica nga dili babag ang enhanced community quarantine  para maundang iyang workout. Gipakita niini sa Instagram ang mga videos sa  creative niyang mga pamaagi sa workout bisan nga wala siya'y mga gamit sa gym."Still another home workout doing a leg superset plus I was able to get my daily dose of vitamin D this morning. Trying to stay as active as possible during this lockdown,"tipik pa sa caption niini.

Bela wala kauyon

Wala nakauyon ang Kapamilya actress nga si Bela Padilla ngadto sa taras sa usa ka  police chief didto sa Manila human giingnan ang mga residente sa Quiapo nga pusilon sila kun mogawas sa dili tukmang  oras. "Is this our new normal? Nasan po yung 'compassion'? I understand that madami po talagang pasaway. But violence is not the answer. It doesn’t only hurt physically but it also strips off a person’s dignity," tweets pa ni Bela.

Gisayo og release

Gipagawas nalang og sayo sa singer nga si Dua Lipa ang bag-o niyang album bisan pa man nga dili pa unta karon ang gitakdang petsa alang niini. Iya matod pa kining gibuhat para makahatag og kalipay ngadto sa iyang mga fans taliwala sa giatubang niining  COVID-19 crisis. “I’m not sure if I'm even doing the right thing, but I think the thing we need the most at the moment is music, and we need joy and we need to be trying to see the light,”sigon pa sa singer.

Makita og balik

Ipasalida og balik sa GMA-7 sa ilang afternoon block ang duhaka natapos na nilang mga teleserye sugod karong Lunes. Ipasalida sa 3:25 sa hapon ang  Onanay nga gibidahan nilang  Jo Berry, Mikee Quintos, Kate Valdez, Cherie Gil, ug Nora Aunor. Samtang ipasalida sa 4:05 sa hapon ang Alyas Robin Hood nga gibidahan ni Dingdong Dantes.

Nag-self quarantine na

Gipahibalo sa business manager ni Senator Manny Pacquiao  nga si Arnold L. Vegafria nga nag-self quarantine na ang senador niadto pang Marso 19. Gani, wala matod pa kini nakapersonal og hatag sa giandam niyang hinabang ngadto sa mga naglisod nga katawhan tungod sa COVID-19 crisis. Gipahibalo kini ni Arnold human nikatap sa social media ang usa ka hulagway diin nag-uban si Manny ug sa nagpositibo sa COVID-19 nga senador nga si Kiko Pimentel.