Malinawong kinabuhi

Tsika pa ni Erich Gonzales nga dili na siya ganahan nga mohatag og update kalabot sa iyang lovelife gumikan kay gusto siya makabaton og malinawong kinabuhi. “Dumadating pala sa punto habang tumatanda tayo na gusto natin ng tahimik na lang na buhay. Na kung ano yung sa ’yo, yung personal mong buhay sa ’yo na lang. Puwede naman pala, may choice ka,” suma pa sa aktres.

Mabdos ang misis

Malipayong gianunsyo ni Alfred Vargas nga nagsabak ang iyang asawa nga si Yasmine alang sa ikatulo nila nga anak. Gibutyag kini sa aktor atol sa wedding anniversary nila ni Yasmine niadtong Lunes.

Pinalabi ang anak

Tsika pa ni  Mariel Rodriguez nga daghan gyud   siya og nadiskubrehan sa iyang kaugalingon sukad siya nahimong inahan. Matud pa ni Mariel nga dili na siya makahunahuna usahay sa iyang kaugalingon  gumikan kay seguradohon niya ang kaayohan sa iyang anak.

Alden itigi kang Coco?

Nitumaw karon ang taho nga ang upcoming series ni Alden Richards  sa GMA-7 nga Victor Magtatanggol maoy iatbang sa serye ni Coco Martin sa ABS-CBN nga Ang Probinsyano. Nasayran  kanunay nga naglawig sa primetime ang Probinsyano sulod na sa taas nga panahon.

Bag-ong inspirasyon

Malipayong gipahibalo ni KC Concepcion nga inspired siya karong panahona  gumikan sa lalaki nga kanunay niya nga ka-date. Matud pa nga nauyonan og maayo sa iyang pamilya ang maong non-showbiz guy.  Kahinumdoman nga upat na ka buwan nga buwag sila si KC ug sa kanhi  Azkals team captain nga si  Aly Borromeo.

Lig-on ang makaatbang

Giangkon ni  Kakai Bautista nga nakulbaan siya gamay sa  showing sa pelikula nila ni Ahron Villena nga  “Harry & Patty” gumikan kay maatbang nila ang action movie ni Anne Curtis nga  “Buy Bust” karong  August 1. “Medyo natatakot po, pero bahala na lang si Lord kung gusto manood ng mga tao ng movie namin. If they want to feel good, and they want to fall in love, just (to) be happy, good vibes lang, pwede sila manood talaga,” saysay pa ni  Kakai ngadto sa ABS-CBN News

Pakilig effect

Na-feel gyud ni  JM De Guzman  ang init nga paghangop sa viewers sa seryeng Araw Gabi sa ilang kilig scenes.  ‘Masaya ako na maraming tao ang nakaka-connect’,” suma pa sa aktor.

Tatak Pinoy

Sa pagtikang ni Bailey May  dinhi sa Pilipinas , gilingaw gyud niya og maayo ang mga kauban niya sa miyembro sa Now United . Gipakita niya kini kung unsaon pag-angkas og jeep. Gipatilaw usab niya ang iyang mga kauban og   banana cue ug  balut.

Nag-uros uros

Gipalanog gyud ni Loisa Andalio sa social media ang iyang nagpungasi nga gugma ngadto sa Hashtags member nga si Ronnie Alonte. “Mahal na mahal ko itong taong ‘to. Gaya nga ng sabi ko.. Nag iisa lang ‘to,” mensahe pa niya ngadto kang Ronnie.

Duha ang rason

Gibisita ni  Willie Revillame ang iyang higala nga si  Kris Aquino sa panimalay niini sa  Quezon City. Duha ang tumong sa pagtikang niya sa balay ni Kris, una mao ang pagbisita  ni Joshua nga bag-ohay lang nakagawas sa tambalanan. Ang ikaduha mao ang ilang panagtigom alang  sa umaabot nila nga proyekto.