Vice nadismaya kang Kris

Giangkon ni Kris Aquino nga dili na sila suod ni Vice Ganda ug nga nadismaya matud pa niya ang nahisgutan. Kini kay giagni diay matud pa siya nga palugwaon sa Metro Manila Film Festival entry ni Vice pinaagi sa usa ka surprise role, apan iyang gibalibaran gumikan kay dili siya buot nga maipit sa panagbangga sa pelikula nila ni Coco ug Vice niadtong tungora sanglit bag-o pa lamang siya nga nagpahimutang sa iyang kaugalingon isip social media personality.

Nag- I love you

Gikilig ang mga fans nila ni Sue Ramirez ug Boybandph Joao human nag-I love you ang nauwahi sa iyang birthday greetings ngadto sa nahauna kagahapon. Dunay mga istorya nga uyab na gyud matud pa ang duruha apan wala pa gyud muangkon ang mga nahisgutan. Wala sab manghimakak.

Zeus, sayaw lang

Suma pa ni Zeus Collins, igo lamang matud pa siya nga mihatag sa unsay gusto sa iyang fans hinungdan nga mas daghan siya og sexy dance covers itandi sa hip hop. Naklaro matud pa niya nga kon sexy ang iyang sayaw, mas daghan ang views sa iyang videos kay sa hip hop dance niya. Apan giklaro niya nga kutob lamang matud pa siya sa sayaw kay kon lahi na ang katuyuan, dili na siya mu-uyon niini.

Pops nanawagan kang Maine

Ganahan kaayo si Concert Queen Pops Fernandez sa paglaum sa fans nga makabaton sila og proyekto ni Maine Mendoza nga matud pa anggid niya og nawong. Suma pa ni Pops nindot kini nga ideya ug nanawagan siya kang Maine aron dapiton siya niini alang sa usa ka proyekto nga magkauban sila.