1st runner-up ang Pinoy

Ang pambato sa Pilipinas  nga si Clint Karkliñs Peralta may napili nga first runner-up sa bag-ohay lang nga Man of the World 2018  nga gipahigayon sa San Juan City sa miaging gabii.  Nakaangkon sa grand title ang representante sa Vietnam nga si Xuan Tai. Nikompleto sa Top 5 sila si  Bjorn Camilleri (2nd runner-up/Malta), Ondrej Valenta (3rd runner-up/ Czech Republic), ug Natapol Srisarn (4th runner-up/ Thailand).

Kris ug Noynoy nagkasungi

Gibutyag ni  Kris Aquino nga duna sila’y ginagmay nga panagsungi sa iyang igsuon nga si kanhi  President Benigno "Noynoy" Aquino III. Dili na modetalye si  Kris sa rason sa ilang panagbangi. Naapektohan matud pa niini ang iyang mga anak nga puros pinangga sa kanhi presidente.

Sam mitin-aw sa isyu

Giklaro  ni Sam Milby nga wala gyuy sinapaway nga nahitabo sa dihang nagkabuwag sila kaniadto  ni Mari Jasmine. Malipayon si Sam sa lovelife karon ni Mari kinsa nakauyab  og TV host-blogger nga ginganlan og  Samantha Lee.“I’m happy for her. And I want to make it clear, there was no overlapping in terms of that relationship. So to clear her name from that, baka may mga iniisip na, ‘Ah! Kaya pala nag-break sila ni Sam,’” pagklaro pa ni  Sam.

Trabaho og maayo

Ang pagdawat og sagunson nga trabaho maoy usa sa mga pamaagi  ni Sunshine Cruz sa pagpawala sa iyang mga kagul-anan sa kinabuhi.  Suma pa sa aktres nga dili  gyud siya magpadala sa bug-at nga mga problema aron dili maapektohan ang mga butang nga makapalipay kaniya.

Todo himakak

Hugtanong gihimakak sa Kapuso actor nga si  Mark Herras sa  report nga matud pa nag- live in na sila sa iyang girlfriend  nga si Winwyn Marquez. Dili usab tinuod ang taho nga matud pa duna na sila’y plano nga magpakasal.

Billy ug Coleen sa MMK

Bida sa special  episode sa "Maalaala Mo Kaya (MMK)" ugma sa gabii ang magtiayong  Billy Crawford ug Coleen Garcia.  Mao kini ang labing unang higayon nga magpares sila sa MMK.  Malipayon ang duha gumikan kay subli sila nga nagkauban sa trabaho.

Fantastica gisugdan na

Gisugdan na  niadtong Martes ang shooting sa pelikulang  Fantastica.  Ang maong Star Cinema movie gibidahan kini nila ni  Vice Ganda, Richard Gutierrez ug Dingdong Dantes .  Isalmot kini isip  official entry sa 2018 Metro Manila Film Festival.

Simpleng kinahuhi

Gawas sa ordinaryo nga inadlaw nga gimbuhaton, na-enjoy usab pag-ayo si John Lloyd Cruz sa mga pagkaon sama sa  tortang itlog, bulad ug giprito nga talong.  Nasayran nga nagbase na sa Sugbo si John Lloyd tungod sa iyang hinigugma nga si Ellen Adarna.

Lisod nga butang

Gibutyag sa sexy star nga si Nathalie Hart nga dili sayon ang pagpa-sexy gumikan kay daghan gyud ang maagian niini nga proseso. Gawas sa pagtuman sa saktong diet, matulog usab og saktong oras ug uban pa.

Co-producer pud

Nagpanikad si  JM de Guzman  sa iyang upcoming movie sa TBA nga "Kung Paano Siya Nawala" kung diin kauban niya si Rhian Ramos. Matud pa nga co-producer usab si JM sa maong movie project.