Kris is Kris!

Sanden: Hello mga Kabanatanay! Kumusta naman mo uy? Welcome sa laing hugna sa atung panagkukabildo. Ako diay ihirit ang akong pasalamat kang Rev. Fr. Lyndon Ruiz diha sa Kawit, Medellin, sa hugyaw kaayo nga pag-abi-abi sa Banat News Hugyaw Team niadtong weekend. Lingaw kaayo mi ug grabe kabusog sa mga lamian nga pagkaon nga giandam ni Fr. Ruiz. Ari na kita sa atong topic karong adlawa. Nikisaw na pud ang pangalan ni Kris Aquino gumikan sa iyang pagpadungog-dungog sa kanhi niya bana nga si James Yap. Puwerting yawyaw ni Kris gumikan kay wala gyu’y paki si James sa anak nila nga si Bimby. Sa oras nga giintriga si Bimby nga matud “baklain” nga bata, wala gyu’y amahan nga nipatim-aw aron modepensa niini. Ang labing bag-o karon nga birada ni Kris mao ang pagkadismaya niya kang Korina Sanchez gumikan kay gi-feature sa show niini nga Rated K ang kinabuhi ni James. Gisumbalik ni Kris ang pagsuporta niya sa bana ni Korina nga si Mar Roxas kinsa nidagan pagka-presidente niadtong 2016. Grabe ka trending ang pangalan ni Kris tungod sa maong isyu. Pero bisan pa man niana, maayo ang dagan sa iyang career gumikan kay makabalik na gyud siya sa pag-arte pinaagi sa usa ka pelikula sa Star Cinema diin makauban niya sila si Joshua Garcia ug Julia Barretto.

Yuri: Helllo mga KABANATanay! Sakit kaayo akong panit tungod sa pagligo namo sa Funtastic Island sa Medellin, Cebu courtesy of Fr. Lyndon Ruiz, unya sun kissed na kaayo akong face. But I don’t care! Sama sa wala ko’y labot anang pagsige’g buwa buwa ni Kris A. Kever kon given na ang iyang pagka-Kris. Trending ang iyang mga yawyaw, ug sunod kaayo pagawas sa istorya nga duna siya’y comeback movie sa Star Cinema. Pak na pak ang hinampak! Lami na unta kaayo ang chika ni Tiya Kris pero mao diay nga saba kaayo ang iyang  simod sa kay naa siya’y salida. Infairness sa imong iyaan apil pud ang mga endorsement. Make noise kay nagbabalik na imong tiya Kris? Very good example sa iyang kababa-on hasta iyang makeup artist giapil niya og lenggua pag contract signing niya sa Star Cinema. Nakaingon ko she’s really back! Gikapoy ko sa iyang mga drama! Kaykayon pa ang mga issue nila ni Korina, James Yap ug kinsa pa tong mga okoy nga iyang gipang nganlan. Maka ulbo sa kaspa uy.

Jaypee: Olah mga Kabanatay! Happy Tuesday! Best in lingaw kaayo ang Hugyaw team sa Funtastic Island, sad lang ko lite kay wala ko nakakuyog kay kani laging atong taas nga dugo, mas mosaka og samot kon maglagiting ang kainit sa panahon.

Talking about taas ang dugo, na hala, na-stress gyud ko aning Korina sab uy. Tinuod man sad ning claim ni Kris. Wala’y delicadeza. Sa kasagsagan pa naman sa intriga nilang Kris ug  James Yap, karon pa siya mopalugwa og episode  nga modayeg sa pagkatawo ni James di ba? Tawo lang si Kris, nasakitan pag ayo, di ba? Unsa na lang nga sakripisyo ni Kris kaniadto para sa kandidatura ni Mar Roxas, bana ni Korina. Naglabad akong headdress nimo Korina. Ikaw sad Yuri noh, wa gyud kay angay anang imong pag ka OA sad.

Sanden: Kahibalo mo mga beshy,  Oy, dili gyud mangayo og pasaylo si Kris kang Tiya Koring hahaha. Dili pud baya lalim ang iyang naagian uy. Siya baya ang gaatiman ni Bimby pero si James, parang wala lang maong nakasabot ra pud ko sa iyang mga emote sa social media. Best in strong kay ka Tita Yurs, palibhasa hindi mo naranasan maging ina. Pag-anad na lang gud anang mga mugna ni Kris gud. Sabaan gyud na siya sa una pa, sama sa kasabaan ni Kumareng Jaypee.

Yuri: Hahahahaha! gipakatawa mo ako Jaypee ug Sanden! Unsay OA ba? Unsa may tumong anang imong iyaan nga Kris A. Karun ra pud siya nigawas sa iyang gibati! Kon wala’y movie , walay isyu nanggawas.  Hellooo! Bitter lang na si Kris kay si James Yap happy na karun sa iyang family.  Sala pud nang Kris nganong nagpagamit siya ni Korina mao ang ending karun waya waya kaon og puto maya… hahahaha!.

Jaypee:  Kris Aquino is Kris Aquino, call her taklesa,OA or unsa pa na, pero ang kamatuoran nga magpabilin siyang Kris Aquino. Kani pod si Korina noh, wa gyud siya ka -sense nga wala pa baya kaayo ni naka move on atong iyaan nga si Kris kang James, wala na lang pod siya mi support. If I were Kris masakitan gyud ko. Hello! Mi endorso baya siyang Mar niadto for free! Way talent fee, Unta as a return. mao ning iyang makuha kang Korina? Way utang kabubut-on di ba? Mao nang makasabot ra gyud ko aning Tiya Kris sa iyang mga paandar run batok ni Korina. Di sama aning Yuri, ga yaya lang!.