Shenahia Finally Made It!

CEBU, Philippines — “Usa ko ka amateurista. Bata pa lang ko, nagsugod nako og kanta-kanta sa mga  lain laing baryo, mall ug uban pa. Ang pagkanta ang panginabuh

Si Shenahia kinsa nahimong Second Runner Up niining tuiga sa Sinulog Idol 9, nibutyag nga ang kawad-on ang nagtuklod kaniya aron sudlon ang kalibutan sa amateur singing contest. Gani, mao na kini ang nahimo nga panginabuhian sa iyang pamilya kaniadto nga wala pa makatrabaho ang ilang padre de pamilya

Sa pangidaron nga singko anyos, nadiskubre ug nakat-on og kanta si Shenahia. Matud pa niya nga tinudluan gyud siya sa iyang amahan nga si Reil Postrero.

“Gipakanta ra ko sa ako papa og ‘Glowing Inside’ ug didto nila nahibaw-an nga maayo day ko og tingog pareho niya mao nga nagplano sila sa akong mama nga isangka sa mga bulilit singing contest”, istorya pa niya.

Nakatilaw siya og kanta sa ibabaw sa entablado   nga dunay audience sa dihang nag-edad siya og say’s anyos .

“Sa DYLA akong first nga singing contest. Dili lang gyud ko makalimot atong natuk-an ko kay basin tungod sa kakulba sa pagtungtong sa stage nga perting daghanang tao ba”, suma pa ni Shenahia.

Giingnan gyud siya sa iyang amahan nga normal lang gyud nga makulbaan ilabi na sa unang pagsalmot og contest. Mas  gipataas sab sa iyang pamilya ang iyang fighting spirit aron masundan kini nga moapil siya og laing singing contest.

Sa 12 ka tuig nga pagpakigtigi ni Shenahia sa entablado, matud pa niya nga mura og nalibot na niya ang matag barangay dinhi sa Cebu.

Gawas niana, nailaila na sab niya og pag-ayo ang iyang mga katigi ug nahimo na sab kini niya nga suod sa iyang kinabuhi.

“Kami-kami ra man gud usahay ang magkontakay unya kami ra sab mag-uban sa singing contest mao nga mas maayo nga dili lang namo i-treat as competition ang amateur pero himuon namo siya nga training ground mao nga e-enjoy na lang namo”, padayag pa ni Shenahia.

Tungod kay sa gabii gyud mahitabo ang mga kalihukan nga iyang salmutan, matud pa ni Shenahia nga usahay masakripisyo niya ang iyang katulog tungod kay inig ka buntag, mobangon na sab siya aron mo-eskwela.

“Gitawag nako sa uban og ‘working student’ kay tungod mo kanta ko sa gabii unya moskwela sa buntag”, suma pa niya.

Matawag nga naglukdo na si Shenahia og dakong katungdanan alang sa iyang pamilya. Apan bisan pa niana, wala kini niya giisip nga obligado siya sa tanan gumikan kay ang iyang amahan, apil sab nga mosangka sa mga kompetisyon nga iyang apilan. Kaniadto sab, ang iyang maguwang nga babaye, moapil sab apan nihunong na kini sa wala pa naminyo.

“Wala ko magmahay nga mao akong gidak-an nga pamilya kay blessed man gihapon ko nga kumpleto mi nga bisan og naglisod mi, malipayon man gihapon mi. Bisan anad nami nga matag gabii, mokanta pero nalingaw man gihapon sa among gibuhat kay one way or another, makatabang man gihapon ni sa pag-enhance sa akong talent”, siya nagkanayon.

Mao man ang nahimong kinabuhi sa nagbata pa si Shenahia apan gipaambit sab niya nga nasinati niya ang mabuhi nga sama sa mga normal nga bata nga makiglambigit sa mga duwa sa mga bata. Apan gitug-an niya nga wala kaayo kini niya masulit tungod sa kagustuhan nga makatabang sa panginahanglan sa pamilya.

“I will always be proud nga nahitabo ni sa akong kinabuhi [ang pag-apil og singing contest] kay diri gyud nagsugod nga mangandoy nga mamahimong usa ka successful ug mailado nga mangantahay. Ang pag-apil og singing contest mao ang nakapa-motivate nako sa pagpadayon sa kinabuhi”, padayag pa ni Shenahia.

Kun hisgutan ang pangandoy, tataw nga ang mahimong sikat nga singer ang tinguha ni Shenahia apan gawas niana, hagbay ra sab siya nga nangandoy ang makalakip sa Top 12 finalist sa Sinulog Idol.

“Actually sa bata pa ko gasige nako og audition sa Sinulog Idol. Murag 15 pa akong edad naga-audition nako pero dili gyud madawat”, tug-an pa niya.

Daan na sab nga gitinguha ni Shenahia ang makadaog sa prestihiyoso nga kompetisyon aron makaangkon og dungog apan tungod kay kanunay siya nga ma-reject, gi-ampo na lamang niya nga unta mahatagan siya og higayon nga malakip man lang sa sunod nga edisyon.

“Ang gusto nako i-prove sa ilaha kay deserving ko. Three  times nako nga wala madawat pero pag-ikaupat na gyud, at last! Nadawat na gyud ko. Pasalamat sab ko kay siguro nakita na nila nga naa koy potential ug kay chance na gyud nako nga ipakita nila unsa akong pwede nga mabuhat gyud throughout sa contest”, saysay pa niya

Gibutyag ni Shenahia nga wala siya magtuo nga ang lakip sa dagan sa kompetisyon mao ang pagpaubos ug mga workshop nga dugay ra niya nga gipangandoy.

“Practice ra man ko sa balay. Wala gyud ko makasuway og formal training kay akong papa ra man ang mo-train nako. Mao nga pagkahibaw nako nga naay workshops, nalipay ko og didto sab nako na-discover akong kaugalingon nga daghan ko og angay i-improve ug usa na ana ang pag bag-o sa akong kaugalingon.”

Miingon sab ni Shenahia nga ang pagkanta dili lang mahimong panginabuhian apan mao sab kini ang paagi sa pagbag-o sa kinabuhi ug mao sab kini ang usa sa mobag-o sa kinabuhi sa tawo.

“Tungod sa pagkanta, daghan og nahitabo sa akong kinabuhi sama nalang sa daghan nako og  nakaila nga mga tawo ug naka-adto ko og mga lugar nga wala ko magtuo nga maadtuan nako. Makaingon ko nga ang pagkanta, mao ni siya ang dako nga blessing ni Lord nga iyang gihatag sa ako ug dako gyud kaayo ni nga parte sa akong kinabuhi tungod sa unexpected twists nga nahitabo sa akong kinabuhi. Sauna, amateur ra to akong apilan, pero karon nakasuway nako nga naa ko sa national TV plus nakadaog pa gyud ko sa Sinulog Idol. Dako na kaayo ni nga achievement nako ug sa akong pamilya”, pagtapos pa ni Shenahia. ian namo. Kung way kanta, way kwarta. Lisod gyud labi na katong nakasuway mi nga wala gyud mi. Daghan kaayo mi og bayrunon. Unya kanta ra ang gisaligan, kanta ra among panginabuhi sauna gyud”, pagsugod pa sa 18 anyos nga dalaga nga si Shenahia Postrero.