Piolo sa MMK
CEBU, Philippines - Si Piolo Pascual ang bida sa Father’s Day Special sa ‘Maalaala Mo Kaya’ . Nagbaha ang mga bug-at nga eksena ni Piolo sa maong episode.
Bag-ong inspirasyon
Duna’y bag-ong inspirasyon ang anak ni Piolo Pascual nga si Iñigo Pascual. Dili kini taga showbiz apan iyang gitataw nga dili una siya moseryoso niini gumikan kay prayoridad niya ang iyang pag-eskwela.“Ayaw kong mag-seryoso at i-rush ang things. I'm enjoying everything that's happening with my career, with my studies," suma pa ni Iñigo.
Solo gyud
Wala malakip sa bag-ong album ni Karla Estrada ang iyang anak nga si Daniel Padilla. "Sabi niya,'Ma, ikaw muna kasi iyo yan eh. Mag-isa ka muna diyan. Para mamayagpag kang mag-isa na hindi naman ako nakakabit sa pangalan mo,'" suma pa ni Karla.
Juris mobalik sa pagkanta
Plantsado na ang pagbalik sa concert scene ni Juris, pipila ka buwan human niya gihimugso ang ikaduha niya nga anak. Nag-ulohan kini og "Juris... Medleys of My Heart" nga mahitabo karong Hulyo 14 ug 15 sa Music Museum. Special guests niya sila si Jason Dy, Jay Durias, Aiza Seguerra ug Daryl Ong.
Unya na lang
Gipadaplin lang una nila ni Sarah Lahbati ug Richard Gutierrez ang ilang plano nga mogama og ikaduhang bata. Busy kaayo ang duha sa tagsa-tagsa nila nga showbiz career.
Mitabang sa pamilya
Gawas sa iyang mga igsuon, gipa-eskwela usab sa child star nga si Awra ang iyang amahan. Nitabang usab si Awra sa pagpamalit og school supplies ug uniporme niini.
Mga banggiitan mag-abot
Nitumaw karon ang hungihong nga mag-uban sa usa ka pelikula ang mga banggiitang komedyante nga sila si Ai Ai de las Alas ug Eugene Domingo. Giingong iduso kini isip entry sa wala pa mahisgoti nga film festival.
Mao na gyud
Kapoyan na si Sam Milby nga mobalik pa sa uno busa iyaha gyud nga ipaneguro nga ang uyab niya nga si Mari Jasmine mao na gyud ang makauban niya sa pagpaso puhon padulong sa altar sa kaminyoon."I don't think that you should be in a relationship kapag hindi iyon ang iniisip mo,” suma pa ni Sam.
Nanglaag sa Malaysia
Niuban si Elmo Magalona sa pagbakasyon ni Janella Salvador sa Malaysia kun diin uban ang pamilya niini. “We went to Legoland. Sinama ng mom ko si Elmo. Masaya naman. Nag-enjoy 'yung little brother ko super kasi birthday niya. We spent the day together,” suma pa ni Janella. (BANAT NEWS)
- Latest
