Cebu Pop Friday; “Prove Them Wrong!”

NAME: Rhea Mae Genilla

NICK NAME: Rhea/ Yame

AGE: 16 years old

DATE OF BIRTH: June 24, 2000

CITIZENSHIP: Filipino

ADDRESS: Cabatbatan, San Fernando, Cebu

HEIGHT: 5’3

WEIGHT: 45 lbs.

HOBBIES: Reading books, surfing the net

BEAUTY TITLE: Miss Bugho 2016

Sama sa mga nabantog nga mga mang-aawit ug mga composers, ang dakong hilig ug paghigugma sa musika sukad sa pagkabata maoy naka-impluwensya og dako ni John Peterson Villarin o kun mas naila isip Pitt, sa paghangop sa maong industriya.

"Dili gyud kumpleto akong adlaw kun dili ko mu-engage og music.Basta naa koy mga problema, magkanta-kanta or magsuwat-suwat lang ko’g songs, ma-okay na dayon ko ana. Naa gyuy magic ang music nga dili ma-explain nga mo-touch gyud siya sa soul sa tawo," suma pa ni Pitt kabahin sa iyang kasinatian sa kalibutan sa musika.

Pagpabuhagay pa ni Pitt nga sukad niadto, tig-apilan na gyud siya og mga singing contest ug nagtubo siyang mahiligong magsuwat- suwat og mga poem.

Hangtud nga usa ka adlaw, nagpahigayon og songwriting contest ang tunghaan sa kolehiyo nga iyang gisudlan alang sa pagahimuong official jingle sa maong eskwelahan.

Ug didto nagsugod ang iyang paghinuklog nga aduna diay siyay tinagoan nga talento sa pagtagik og mga awit.

Dugang pa ni Pitt nga nahimo niyang inspirasyon ang iyang kasinatian kaniadtong  bata pa siya isip battered child. Panganti sab niya nga tungod sa iyang determinasyon, nakahuman siya sa iyang pagtungha bisag way suporta gikan sa iyang mga ginikanan.

Matud niya nga tanan niyang gihimo lakip na ang pag- compose og mga kanta, gihalad niya sa Labaw nga Makagagahum

Usa sa dili niya  malimtan  mao  ang pagsalmot niya sa 37th Cebu Pop Music Festival pinaagi sa awit niyang gisumiter nga giuluhan og "Mobunok man ang Ulan" ubos sa Other Genre Category nga giawit ni R-Jay Gomora, diin nakauban sab niya sa paggama sa tuno niining maong awit mao ang gikonsidera niyang best buddy nga si Neil Salarda.

Nahimo kining memorable alang kaniya sanglit first time man niya sa pagsalmut sa Cebu Pop ug nahatagan dayun siya og igong kahigayunan nga mamahimong finalist niini.

Tuod man, taas taas na gyud ang nakab- ot ni Pitt sa natad sa musika.

Nakatatak na daan ang pangalan ni Pitt sa dihang nigawas nga grand prize winner ang gitagik niyang awit nga "Kay Ikaw Misaad" atol sa ikawalong Hugna sa Huniño Song writing Contest , ug kauban gihappn niya sila si Niel ug R-Jay.  .

Gani matud niya wala siya mag-expect nga sila ang mogawas nga mananaug sanglit mga banggiitan naman sa natad sa musika ang ilang nakatigi.

Sa nakalabay'ng tuig, laing milestone na sab ang naangkon sa kinabuhi ni Pitt.

Mas nabantug siya dili lang sa Kabisay-an kundi sa tibuok Pilipinas human nahimo siyang three-time defending champion (daily contest) sa Tawag ng Tanghalan sa It's Showtime sa ABS-CBN..

Mapasigarbuhon kaayo siya sa oportunidad nga gihatag kaniya partikular na  pagdala sa tingog sa  Sugbo .

Gipamatud-an ni Pitt nga di lang siya kutob sa pag- compose og mga awit, gigasahan sab siya og maanindot nga tingug nga sarang ikapasigarbo sa kadaghanan.

Giangkon niya nga mas daghan siya’g ma-compose nga mga awit sa panahong mag "maoy moments" siya.

Dugang niya nga dali ra kaayong manggawas ang mga pulong ug konsepto sa awit nga iyang pagahimuon kun emosyonal siya.

"There will be doubters. There will be non-believers, and there will be YOU who will prove them wrong!” pagpahimug -at pa niya sa iyang kasinatian kaniadto.

BNH: Unsa ang labing dakong pagtulun-an nga imong nakuha isip songwriter ?

Pitt: Pain is temporary, trophies are forever! Muagi ka'g mga failures ug mga kasakit but that’s only for the mean time, kay kitang tanan mu-succeed jud ta basta dili ta magpadala sa mga pagsuway, and those learnings are our trophies kay pinaagi ato, mas ni-strong man ta ug mas ma-polished ta as an artist.

BNH: Giunsa nimo pagpaambit sa imong talent sa religious aspect?

Pitt: As a singer, basta simbahan gani ang mu-approach nako nga mukanta sa ilang event, mutando gyud dayun ko basta wala’y conflict sa schedule. Bahala'g wala’y talent fee. Ganahan kayo ko’g THANK YOU’s. As a songwriter, muapil gyud mi every year og Marian Songwriting Fest. I believe nga gitagaan ko ani nga talent ni God for a purpose. Ug angay ni nako i-share sa mga tawo. Pasalamat lang pud ko niya sa mga grasya nga akong nadawat.

BNH: Unsa ang dakong hagit nga imong nasugatan isip usa ka songwriter?

Pitt: During the 37th Cebu Pop. It was so hard not only for me but sa amoang team kay before pa lang sa competition period, naa mi “existing problem” sa among interpreter. Pwerteng lisura kay daghan kaayo ko'g idea nga mapanindot among song pero maglisud ko’g apply kay not in good terms man mi ato nga time sa among interpreter, unya siya man among output. Pero daghan kaayo ko’g nakat-onan ato ug pasalamat sad ko ni Lord kay na-overcome to namo tanan.

BNH: Unsa'y imong ika-advice sa mga aspiring songwriters karon?

Pitt: Let it go!  You don’t know what’s in store for you. Mas mag-regret ka if magpadala ka sa imong doubts. Daghan kaayo ta’g promising talents out there nga kinahanglan lang gyud bitaw og exposure. Mao sad usahay if naa koy friends nga kabantay ko nga naay potential, 100% jud ko mu-effort ug mu-support aron matabangan sila nga ma-showcase nila ilang talents. (BANAT NEWS)