CEBU, Philippines - Giisip nga usa ka dakong sugal alang kang Jasmine Curtis Smith ang pagdawat niya sa papel isip tomboy sa lesbian themed movie nilang Louise delos Reyes. Ang maong pelikula nag-ulohan og Baka Bukas, nga usa sa mga entry sa 12th edition sa Cinema One Originals filmfest.”The entire movie is a love scene,” komedya pa sa aktres.
Moffatts motikang sa nasud
Mopahigayon og concert dinhi sa Pinas ang sikat nga 90s group nga The Moffatts didto sa Smart Araneta Coliseum karong February 18, 2017. Gipasikat sa maong grupo ang classic hits nga “Miss You Like Crazy” ug “If Life Is So Short” nga maoy greatest rival kaniadto sa kanta sa Eagles nga “Hotel California”.
Igo ra mosuporta
Kusganong gibutyag ni Pia Magalona nga dili siya gusto manghilabot sa personal nga kinabuhi ni Elmo Magalona partikular na sa lovelife niini. Kun asa malipay si Elmo, igo ra siya mosuporta niini. Kahinumdoman nga bag-ohay lang nga nagkabuwag sila si Elmo ug Janine Guttierez.
Lain ang prayoridad
Gibutyag ni KC Concepción nga dili niya mahatag sa pagkakaron ang gusto sa iyang inahan nga si Sharon Cuneta nga makabaton siya og anak. Matud pa ni KC nga duna pa siya’y laing mga prayoridad karong panahona. Aduna’y upcoming project si KC ug usa kini sa gipangandaman niya og maayo.
Angayan kaayo
Napuno sa mga pagdayeg ang Halloween costume sa unica hija nilang Dra. Vicki Belo ug Hayden Kho Jr. nga si Scarlet Snow. Nagsul-ob si Baby Scarlet og Baby Snow White attire alang sa gisalmotan niini nga trick-or-treat activity.
Gitangtang dayon
Dali nga gitangtang ni Piolo Pascual ang gi-upload nga Instagram video niini diin nipakita sa intimate dancing video nila ni Shaina Magdayao. Ang video kuha atol sa 2016 Star Magic Ball nga gipahigayon didto sa Makati Shangri-La Hotel niadtong October 22. Bisan gitangtang na kini, daghan gihapon ang nakahipos og kopya sa maong video pinaagi sa pag-download hinungdan nga padayon kining gikagubtan sa social media.
Sekreto ni Liza
Nakuryuso ang fans ni Liza Soberano sa sekreto sa kaguwapa sa ilang idolo ug nilutaw kini og samot atol sa Star Magic Ball. Matud pa sa aktres nga idea niya ang “messy look” aron mohaom kini sa gisul-ob niya nga gown.
Sakripisyo
Tsika pa ni Anne Curtis usa ka sakripisyo ang pagpaputol sa iyang buhok. Nasayran nga gikinahanglan kaayo kini sa iyang role sa action film nga Buy Bust. Wala na manumbaling ang aktres sa iyang buhok, gumikan kay importante kaayo alang kaniya ang maong proyekto. (BANAT NEWS)