Nakulbaan gamay

CEBU, Philippines – Aduna’y  umaabot nga pelikula sila si James Reid ug Nadine Lustre. Si  Bret  Jackson maoy ka-love triangle sa Jadine sa nahisgutang proyekto. Suma pa ni Bret nga nakulbaan siya sa dihang gidawat  niya ang maong proyekto gumikan sa posibilidad nga i-bash siya sa Jadine fans.

Nagkahupas ang isyu

Kever lang si  Joross Gamboa sa isyu nga iyang giatubang kalabot sa iyang video scandal. Mao kini ang rason nga nagkaanam-anam og hupas ang maong isyu.

Kissing scene

Gibutyag ni Andre Paras nga duna sila’y  kissing scene ni  Yassi Pressman sa pelikulang  Girlfriend For Hire.  Tulo ka higayon  nga gi-shoot ang maong eksena.

Delikadesa

Dili madayon ang pag-endorse nila ni Maine Mendoza ug Alden Richards sa usa ka  oil company. Matud pa nga maikog si Maine gumikan kay duna’y gasoline station ang iyang ginikanan ug gikan kini sa lahi nga kompanya.

Luis nagpadaplin

Wala mag-apil apil  si  Luis Manzano sa  segment sa ASAP  niadtong Domingo kung diin special guests sila si  Vilma Santos ug Angel Locsin alang sa promosyon sa pelikulang  Everything About Her . Dili gusto si Luis nga mangawat og eksena gumikan kay moment  sa iyang inahan ug sa iyang girlfriend ang maong segment.

Kalidad sa mahimong Darna

Kung si   Vilma Santos  ang pasultion, kinahanglan nga ang sunod nga Darna, dili lang kutob sa paguwapahay,  lakip sa ikonsiderar niini mao ang lawas sa babaye nga dili maalanganin sa fight scene.  Nasuwayan na ni Vilma kaniadto ang papel nga Darna sa usa ka pelikula.  “Si Darna, hero ‘yan, e. Kailangan talaga diyan, yung hindi mahina ang loob. Hindi rin pwede ang payat. Kailangan yung lalabas, voluptuous. Hindi naman kailangan na sexing-sexy,” tsika pa ni Ate V ngadto sa PEP.

Life story ni Leni

Si Lorna Tolentino matud pa ang target sa Maalaala Mo Kaya aron modala sa life story ni Kongresista   Leni Robredo kinsa midagan pagka-vice president.  Pipila sa mga himantayon  ang nipadayag nga estilo kini pag-pangampanya.

Alden gikagubtan

Gikagubtan og maayo sa mga tawo  ang show ni Alden Richards sa Bataan People’s Center niadtong  Domingo. Kalihukan kini sa  fast food chain nga iyang gi-endorse.

Lig-on ang line-up

Gipasigarbo nila ni Andre Paras ug Barbie Forteza  ang serye nila nga That’s My Amboy gumikan kay mga lig-ong arista ang ilang mga kauban. Kini sama nila ni  John Arcilla, Tonton Guttierez, Meryll Soriano, Matet de Leon, Donita Rose,  ug Maritoni Fernandez.

Miss Universe 2016t ipahigayoin sa Pilipinas?

Gihisgutan na karon og maayo ang Pilipinas human sa kadaugan ni Pia Wurtzbach isip Miss Universe 2015,  hinungdan nga si  Miss Universe president Paula Shugart  nakaingon nga panahon na nga mo-host pag-usab ang Pilipinas sa maong indigay.

Sa exclusive interview ni ABS-CBN News pinaagi ni Dyan Castillejo , gipadayag ni Shugart taud-taud na niya nga gipangandoy nga dinhi na sab sa Pilipinas ipahigayon ang Miss Universe.

“For years, I’ve talked about someday having the pageant here. I do know with Pia right now, the entire worldwide focus is on the Philippines. I think it’s a great opportunity. I would love to be able to make it work. We’ll see,” suma pa niya.

Suma pa niya nga hisgotan pa niya ang maong plano ngadto sa iyang mga kaubanan ug alang kaniya, “ I keep my fingers crossed. This might be the right year.”.

Unang  ni-host ang Pilipinas sa Miss Universe  niadtong  1974 ug gisundan kini niadtong 1994.

Samtang naminaw sa mga tubag ni Pia  sa presscon  kagahapon, nisamot ang pagdayeg ni  Shugart sa beauty queen gumikan kay maayo kini mohan-ay sa mga tubag.

“In my last month, I have met a young woman who has so much grace and such an old soul and so philosophical. She has a way of seeing things. Last week, she was saying. ‘Always have your goal but be flexible on how you get to your goal.’ That made me so impressed because you always say things like that. I know that at the end of your year, I will be a better person through listening to you. I mean that,” mensahe pa niya ngadto kang Pia.

Shamcey nanganak na!

Nanganak na  si  Miss Universe 2011 third runner-up Shamcey Supsup-Lee   niadtong Domingo ug usa kini ka babaye.

Gipakita sa  beauty queen ang  first photo sa ilang anak ni  Lloyd  Lee ngadto sa ilang Instagram followers .

“Thank you Lord for giving us this healthy, strong and super bait na baby,” caption sa hulagway nga gi-post niya sa Instagram.

Lakip sa mibisita kang  Shamcey mao si  Binibining Pilipinas-Universe 2014 Mary Jean Lastimosa  kinsa gisaaran na daan nga mahimong ninang sa bata.

Korona ni Pia dili mabuhisan

Gipadayag ni  Miss Universe Pia Wurtzbach nga andam siya mobayad og buhis  sa uban  niya nga nadaog sa maong pageant.

Gitataw hinuon niya nga dili mahimong buhisan sa  Bureau of Internal Revenue (BIR)  ang iyang korona gumikan kay dili man kini  maiya . Ang maong korona napuno sa  diamonds, crystals ug  sapphire.

Nagkantidad kini og  $300,000 o kapin sa  P14 milyon  ug gikatakda kini nga ipasa sa sunod  nga Ms. Universe busa dili kini permanente nga huptan ni Pia.

“I pay my taxes when I was with ABS-CBN… as an actress; when I was with Binibini, so I’ll continue on doing that as long as I’m earning money here, like everybody else,” suma pa ni Pia.

Nahisgotan  ang  kalabot sa buhis  human nilenggua kaniadto si  BIR commissioner Kim Henares  nga dili exempted ang  beauty queen sa pagbayad og buhis.

Samtang giabibahan  pag-ayo sa mga tawo si  Pia atol sa iyang  homecoming parade kagahapon.

Nagsakay si Pia og hugyaw nga float nga nanukad  sa Sofitel Philippine Plaza Manila hangtud sa  Ayala Avenue sa  Makati City.

DVD copy sa Heneral Luna inilog

Nakaangkon na pud og  laing record ang pelikulang Heneral Luna  ni John Arcilla  human sa kadako sa sales sa pag-release sa   DVD copy niini.

Suma pa sa  home-video distributor nga  Magnavision Inc., wala pa maabot og usa ka buwan gikan sa pag-release niini,  ang DVD edition  sa maong pelikula  nakahalin og  7,000 ka mga kopya.

Gikonsiderar kini karon nga  “best-selling DVD “ nga   historical Filipino film nga na-release.

Kahinumduman nga gipaspasan ang pag-release sa DVD sa Heneral Luna gumikan sa kadaghang request.

Gawas kang John, nalakip pud sa Heneral Luna sila si Mon Confiado, Archie Alemania, Alex Medina, Junjun Quintana ug  Epy Quizon .

Ang maong pelikula naghisgot sa kinabuhi  sa bayani nga si Gen. Antonio Luna ug makadaghan na nga higayon nga gi-extend ang pagpasalida niini sa mga sinehan sa miaging tuig.

Ang  Heneral Luna DVD  copy   adunay  English subtitle  ug gilakip usab ang  music sa  official theme song niini nga   “Hanggang Wala Nang Bukas” .